రియల్ జంట అక్కినేని నాగచైతన్య, సమంత రీల్ కపుల్‌గా నటించిన చిత్రం ‘మజిలీ’. శివ నిర్వాణ దర్శకత్వంలో తెరకెక్కిన ఈ చిత్రం ప్రేక్షకుల మన్ననలు అందుకుంటోంది. ముఖ్యంగా ప్రేమికుల ఆదరణ పొందుతూ.. సున్నితమైన భావోద్వేగాలు, భార్యాభర్తల బంధం, ప్రేమకథకు ప్రేక్షకులు బాగా కనెక్ట్ అయిపోయారు. తొలి రోజు తొలి షో నుంచే పాజిటివ్ టాక్‌‌ను సొంతం చేసుకున్న ‘మజిలీ’.. బాక్సాఫీసు వద్ద కలెక్షన్ల వర్షం కురిపిస్తోంది.

ప్రపంచ వ్యాప్తంగా విడుదలైన ‘మజిలీ’ రూ.50 కోట్లకు పైగా (గ్రాస్‌) వసూలు చేయడం విశేషమని చెప్పుకోవచ్చు. దర్శకుడు శివ నిర్వాణ ట్విటర్‌ వేదికగా ఆనందం వ్యక్తం చేశారు. మరికొన్ని రోజుల్లో రూ.100 కోట్లకు చేరుకుంటుందని సినీ విశ్లేషకులు అభిప్రాయపడుతున్నారు.

ఈ పది రోజుల్లో వరల్డ్ వైడ్‌గా షేర్స్ ఎలా ఉన్నాయో ఒక లుక్కేద్దాం..

నైజామ్: 11.08 కోట్లు

సీడెడ్: 3.82 కోట్లు

యూఏ: 3.70 కోట్లు

ఈస్ట్: 1.52 కోట్లు

వెస్ట్: 1.15 కోట్లు

క్రిష్ణా: 1.66 కోట్లు

గుంటూరు: 1.90 కోట్లు

నెల్లూరు: 0.75 కోట్లు

కేఏ+ఆర్వోఐ : 3.65 కోట్లు

ఓఎస్: 3.70 కోట్లు

మొత్తం: 32.93 కోట్లు కలెక్షన్లు రాబట్టింది. నాగ చైతన్య-సమంత పెయిర్‌కు మంచి మార్కులు పడటంతో పాటు.. విడదలైన 10 రోజుల్లో ఈ స్థాయిలో వసూళ్లు రాబట్టడం గమనార్హం. ఒక్కమాటలో చెప్పాలంటే రియల్ జంట కలిసి నటించిన ‘మజిలీ’ సైలెంట్‌గా దూసుకెళ్తోందని చెప్పుకోవచ్చు.