மகேஷ்பாபுவின் அடுத்த பட ரிலீஸ் தேதி அறிவிப்பு
- IndiaGlitz, [Monday,October 30 2017]
தெலுங்கு சூப்பர் ஸ்டார் மகேஷ்பாபு நடித்த 'ஸ்பைடர்' சமீபத்தில் வெளியான நிலையில் அவருடைய அடுத்த படத்தின் ரிலீஸ் தேதி குறித்த அறிவிப்பு தற்போது வெளிவந்துள்ளது.
ஸ்ரீமந்துடு பட இயக்குனர் கொரட்டலா சிவா இயக்கத்தில் மகேஷ்பாபு தற்போது நடித்து வருகிறார். 'பாரத் அனே நேனு' என்ற டைட்டிலில் உருவாகி வரும் இந்த படத்தில் மகேஷ்பாபு முதலமைச்சர் வேடத்தில் நடித்து வருவதாக கூறப்படுகிறது. மேலும் இந்த படத்தில் கோலிவுட் பிரபலங்களான சரத்குமார், பிரகாஷ்ராஜ் ஆகியோர் முக்கிய வேடங்களில் நடித்து வருகின்றனர்.
இந்த நிலையில் இந்த படம் வரும் பொங்கல் தினத்தில் வெளிவர வாய்ப்பு இருப்பதாக கடந்த சில தினங்களாக் செய்திகள் வெளிவந்தது. ஆனால் தற்போது வெளிவந்துள்ள புதிய தகவலின்படி இந்த படம் வரும் ஏப்ரல் 27ஆம் தேதி வெளிவரும் என்று அறிவிக்கப்பட்டுள்ளது.
ஏப்ரல் 14ஆம் தேதி ரஜினியின் '2.0' வெளிவர வாய்ப்பு இருப்பதாக கூறப்படும் நிலையில் அதற்கு அடுத்த இரண்டு வாரங்களில் மகேஷ்பாபு படம் வெளியாகவுள்ளது என்பது குறிப்பிடத்தக்கது