விஷால் நடித்த 'இரும்புத்திரை' திரைப்படம் கடந்த மாதம் 11ஆம் தேதி வெளியாகி மிகப்பெரிய வெற்றி பெற்றது. விஷால் படங்களில் இதுவரை இல்லாத வகையில் மிகச்சிறந்த ஓப்பனிங் வசூல் கொடுத்த படம் இதுதான் என்பதும் ரூ.50 கோடி வசூல் செய்த விஷால் படம் இதுதான் என்பதும் குறிப்பிடத்தக்கது.

இந்த நிலையில் இந்த படம் ஜூன் 1ஆம் தேதி முதல் தெலுங்கில் வெளியானது. விஷால், சமந்தா, அர்ஜூன் ஆகிய மூவருக்குமே தெலுங்கில் நல்ல மார்க்கெட் இருந்ததால் இந்த படம் தெலுங்கிலும் ஹிட்டானது. பிரபல தெலுங்கு திரையுலக பிரபலங்கள் இந்த படத்தின் வெற்றிக்கு பாராட்டு தெரிவித்து வருகின்றனர்.

அந்த வகையில் தெலுங்கு சூப்பர் ஸ்டார் மகேஷ்பாபு தனது சமூக வலைத்தளத்தில் 'இரும்புத்திரை' திரைப்படத்தின் தெலுங்கு பதிப்பிற்கு பாராட்டு தெரிவித்துள்ளார். இயக்குனர் மித்ரன் அவர்களின் விஷன் மற்றும் இயக்கம் அபாரமாக இருந்ததாகவும், இந்த படத்திற்காக அவர் செய்த ஆராய்ச்சி படத்தின் வேகத்தை அதிகரித்துள்ளதாகவும் கூறிய மகேஷ்பாபு, விஷால் உள்பட படக்குழுவினர் அனைவருக்கும் தனது வாழ்த்துக்கள் என்று கூறியுள்ளார்.