மகேஷ்பாபு-ஏ.ஆர்.முருகதாஸ் பட டைட்டில்?
- IndiaGlitz, [Sunday,April 02 2017]
பிரபல தெலுங்கு நடிகர் மகேஷ்பாபு நடிப்பில் பிரபல இயக்குனர் ஏ.ஆர்.முருகதாஸ் இயக்கி வரும் படத்தின் படப்பிடிப்பு கடந்த சில மாதங்களாக விறுவிறுப்புடன் நடந்து வருகிறது. இந்த படத்தின் படப்பிடிப்பு இறுதிக்கட்டத்தை நெருங்கியுள்ள நிலையில் இந்த படத்தின் டைட்டிலுடன் கூடிய ஃபர்ஸ்ட்லுக் விரைவில் வெளியாகும் என்று எதிர்பார்க்கப்படுகிறது.
இந்த படத்தின் டைட்டில் 'சாம்பவாமி', 'மர்மம்', 'அபிமன்யூ' என பலவாறான செய்திகள் வெளிவந்துள்ள நிலையில் தற்போது இந்த படத்திற்காக 'ஸ்பைடர்' என்ற டைட்டில் ரிஜிஸ்டர் செய்யப்பட்டிருப்பதாக தகவல்கள் வெளிவந்துள்ளது. இருப்பினும் இந்த டைட்டில் வரிவிலக்கு பிரச்சனை காரணமாக தமிழில் வைக்கப்படுமா? என்பது கேள்விக்குரியே. எனவே இதுகுறித்து படக்குழுவினர் அதிகாரபூர்வமாக அறிவிக்கும் வரை பொறுமை காப்போம்
மகேஷ்பாபுவின் முதல் நேரடி தமிழ்ப்படமான இந்த படத்தில் நாயகியாக ராகுல்ப்ரித்திசிங் மற்றும் வில்லனாக எஸ்.ஜே.சூர்யா நடித்து வருகின்றனர். ஹாரிஸ் ஜெயராஜ் இசையத்துள்ள இந்த படத்திற்கு சந்தோஷ் சிவன் ஒளிப்பதிவும், ஸ்ரீகர்பிரசாத் படத்தொகுப்பும் செய்துள்ளனர். ரம்ஜான் திருநாள் விடுமுறை தினத்தில் இந்த பாம் தமிழ், தெலுங்கு என இரண்டு மொழிகளிலும் ரிலீஸ் ஆகும் என்று எதிர்பார்க்கப்படுகிறது.