సూప‌ర్‌స్టార్ మ‌హేష్ హీరోగా త‌దుప‌రి సినిమాకు రంగం సిద్ధ‌మ‌వుతోంది. వ‌రుస విజ‌యాల‌తో ఆక‌ట్టుకుంటున్న యువ ద‌ర్శ‌కుడు అనిల్ రావిపూడి మ‌హేష్‌తో సినిమా చేయ‌బోతున్నాడు. ఈ సంక్రాంతికి విడుద‌లైన `ఎఫ్ 2` 100 కోట్ల చిత్రంగా నిల‌వ‌డంతో అంద‌రి దృష్టి అనిల్ రావిపూడిపై ప‌డింది. హీరోలు అంద‌రూ అనిల్‌తో సినిమా చేయాల‌నుకుంటున్నారు. అయితే ఈ వ‌రుస‌లో మ‌హేష్‌, అనిల్ కాంబో మూవీ రానుంది.

ఇండ‌స్ట్రీ వ‌ర్గాల స‌మాచారం ప్ర‌కారం ఇది మ‌హేష్ గ‌తంలో శ్రీనువైట్ల ద‌ర్శ‌క‌త్వంలో చేసిన `దూకుడు` సినిమాకు సీక్వెల్ అని.. ఈ చిత్రానికి `వాట్సాప్‌` అనే టైటిల్ అనుకుంటున్నార‌ని టాక్‌. దూకుడు సినిమాను నిర్మించిన 14 రీల్స్ ఎంట‌ర్‌టైన్‌మెంట్స్ బ్యాన‌ర్‌లోనే ఈ సినిమా తెర‌కెక్క‌నుంది. దీంతో సుకుమార్ సినిమాను హోల్డ్‌లో పెట్టిన‌ట్టే. ప్ర‌స్తుతం `మ‌హ‌ర్షి`తో బిజీగా ఉన్న మ‌హేష్ త‌దుప‌రి అనిల్ రావిపూడితోనే సినిమా చేయ‌బోతున్నాడు.