మురుగుదాస్ మూవీలో న్యూలుక్ తో మహేష్..
- IndiaGlitz, [Tuesday,June 21 2016]
సూప‌ర్ స్టార్ మహేష్ హీరోగా మురుగుదాస్ దర్శకత్వంలో ఓ భారీ చిత్రం రూపొందుతున్న విష‌యం తెలిసిందే. దాదాపు 100 కోట్ల భారీ బ‌డ్జెట్ తో రూపొందుతున్న ఈ చిత్రాన్ని ఎన్.వి.ప్ర‌సాద్, ఠాగూర్ మ‌ధు సంయుక్తంగా నిర్మిస్తున్నారు. ఈ చిత్రంలో మహేష్ ఇప్ప‌టి వ‌ర‌కు క‌నిపించ‌ని డిఫ‌రెంట్ లుక్ లో క‌నిపిస్తున్నాడ‌ట. ఇంత‌కీ ఆ డిఫ‌రెంట్ లుక్ ఏమిటంటే...మహేష్ పూర్తిగా గెడ్డంతో క‌నిపిస్తాడ‌ట. మురుగుదాస్ ర‌ఫ్ గా క‌నిపించేలా గెడ్డం పెంచ‌మ‌ని మహేష్ కి చెప్పాడ‌ట.
మహేష్ ప్ర‌స్తుతం న్యూలుక్ కోసం గెడ్డం పెంచుతున్నాడ‌ని స‌మాచారం. ఇప్ప‌టి వ‌ర‌కు కనిపించిన మహేష్ కి పూర్తి భిన్నంగా ఈ న్యూలుక్ ఉంటుంద‌ట. ఈ చిత్రం రెగ్యులర్ షూటింగ్ ను జులై 15న ప్రారంభించ‌నున్నారు. తెలుగు, త‌మిళ్ లో రూపొందుతున్న ఈ భారీ చిత్రంలో మహేష్ స‌ర‌స‌న బాలీవుడ్ బ్యూటీ ప‌రిణితి చోప్రా న‌టిస్తుంది. హ‌రీష్ జైరాజ్ సంగీతం అందిస్తున్నారు.