సమంతను వెళ్లకుండా ఆపేసిన మహేష్....
- IndiaGlitz, [Monday,April 11 2016]
ప్రస్తుతం టాలీవుడ్, కోలీవుడ్ లో బిజీ హీరోయిన్ గా ఉన్న సమంత, హీరో సూర్యతో కలిసి నటించిన చిత్రం 24. ఎ.ఆర్.రెహమాన్ సంగీతం అందించిన ఈ సినిమా తమిళ వెర్షన్ ఆడియో వేడుక ఈరోజు చెన్నైలోని సత్యం థియేటర్స్ లో జరిగింది. యూనిట్ సభ్యులందరూ హాజరయ్యారు. అయితే సమంత మాత్రం హాజరు కాలేకపోయింది. అయితే తన గైర్హాజరుకి కారణం తాను బ్రహ్మోత్సవం చిత్రీకరణలో ఉండటమేనని సమంత తన ట్విట్టర్ అకౌంట్ ద్వారా తెలియజేసింది. బ్రహ్మోత్సవం ప్రస్తుతం చివరి షెడ్యూల్ ను జరుపుకుంటుంది. ఈ సినిమా మే 6న విడుదలకు సిద్ధమవుతుంది.