మహేష్-పూరి కాంబినేషన్లో జన గణ మన
- IndiaGlitz, [Thursday,April 28 2016]
సూప‌ర్ స్టార్ మహేష్ బాబు - డేరింగ్ & డాషింగ్ డైరెక్ట‌ర్ పూరి జగన్నాథ్ వీరిద్ద‌రి కాంబినేషన్లో రూపొందిన పోకిరి చిత్రం ఎంత‌టి సంచ‌ల‌న విజ‌యం సాధించిందో అందరికీ తెలిసిందే. తెలుగులో 40 కోట్ల షేర్ వ‌సూలు చేసిన మొట్ట‌మొద‌టి చిత్రంగా పోకిరి సంచ‌ల‌నం సృష్టించింది. ఈ చిత్రంతో తెలుగు సినిమా స‌త్తాను చాటి చెప్పి సెన్సేష‌న్ క్రియేట్ చేసారు పూరి. పోకిరి త‌ర్వాత మహేష్ - పూరి క‌ల‌సి చేసిన రెండో చిత్రం బిజినెస్ మేన్. ఈ చిత్రం కూడా సంచ‌ల‌న విజ‌యం సాధించి స‌రికొత్త రికార్డ్స్ క్రియేట్ చేసింది. పోకిరి, బిజినెస్ మేన్ త‌ర్వాత మహేష్ - పూరి క‌లిసి చేసే హ్యాట్రిక్ ఫిల్మ్ గురించి గ‌త కొన్ని రోజులుగా వార్త‌లు వ‌స్తున్నాయి కానీ...ఎప్ప‌టి నుంచి సెట్స్ పైకి వెళుతుంది..? టైటిల్ ఏమిటి..? అనే విషయం పై మాత్రం క్లారిటీ లేదు.
అయితే...ఈరోజు పోకిరి చిత్రం రిలీజై ప‌ది సంవ‌త్స‌రాలు పూర్తి చేసుకుంది. ఈ సంద‌ర్భంగా పూరి జగన్నాథ్...మహేష్ తో చేసే హ్యాట్రిక్ ఫిల్మ్ టైటిల్ జ‌న‌గ‌ణ‌మ‌న అని ట్విట్ట‌ర్ లో ఎనౌన్స్ చేసారు. పూరి టైటిల్ పై మహేష్ స్పందిస్తూ...పోకిరి, బిజినెస్ మేన్ చిత్రాల మ‌రో మ‌ర‌చిపోలేని చిత్రంగా నిలుస్తుందంటూ ట్వీట్ చేసారు. దేశ‌భ‌క్తిని చాటిచెప్పే టైటిల్ తో పూరి - మహేష్ ల హ్యాట్రిక్ ఫిల్మ్ రాబోతుండ‌డం విశేషం.