రేపే ప్రారంభం కానున్న మహేష్ కొత్త సినిమా
- IndiaGlitz, [Sunday,August 13 2017]
సూప‌ర్‌స్టార్ మహేష్ ఇప్పుడు స్పైడ‌ర్ సినిమా చిత్రీక‌ర‌ణ‌ను పూర్తి చేసుకున్నాడు. ఇప్పుడు త‌న త‌దుప‌రి సినిమాకు రంగం సిద్ధం చేసుకుంటున్నాడు. ఇంత‌కు ఆ సినిమా మ‌రేదో కాదు, దిల్‌రాజు, అశ్వ‌నీద‌త్ నిర్మాత‌లుగా వంశీ పైడిప‌ల్లి ద‌ర్శ‌క‌త్వంలోతెరకెక్క‌నున్న సినిమా.
ఎప్ప‌టి నుండో పైప్‌లైన్‌లో ఉన్న ఈ సినిమా రేపు లాంఛనంగా ప్రారంభం అవుతుంది. ప్ర‌స్తుతం మహేష్ కొర‌టాల శివ ద‌ర్శ‌క‌త్వంలో భ‌ర‌త్ అను నేను సినిమాకు సంబంధించిన చిత్రీక‌ర‌ణ‌లో ఉన్నాడు. ఈ సినిమాకు సంబంధించిన కొత్త షెడ్యూల్ ల‌క్నోలో జ‌రుగుతుంది. ఈసారి మహేష్ కాస్తా దూకుడుగా సినిమాల‌ను వెంట వెంట‌నే చేసుకుంటూ పోతున్నాడు.