సూప‌ర్ స్టార్ మ‌హేష్ ఎంత అందంగా ఉంటాడో...ప్ర‌త్యేకించి చెప్ప‌న‌వ‌స‌రం లేదు. అలాగే మ‌హేష్ వ‌య‌సు న‌ల‌భై ఏళ్లు అంటే..అవునా.. అని ఆశ్చ‌ర్య‌పోతారు..కానీ..ఇది నిజం.. మ‌హేష్ వ‌య‌సు పెరుగుతున్న కొద్దీ మ‌రింత అందంగా త‌యార‌వుతున్నాడు. ఇదే విష‌యాన్ని మ‌హేష్ ద‌గ్గ‌ర ప్ర‌స్తావించి మీకు న‌ల‌భై సంవ‌త్స‌రాలా...? అస‌లు మీ హ్యాండ‌స‌మ్ లుక్స్ వెన‌కున్న సీక్రెట్స్ ఏమిటి అని అడిగితే...

వ‌య‌సు అనేది నా దృష్టిలో ఒక నెంబ‌ర్ మాత్ర‌మే. లోప‌ల మనం ఎలా ఉన్నాం అనేదే ముఖ్యం. నేను హెల్త్ కేర్ ఎక్కువ తీసుకుంటాను. అందుచేత ప్ర‌తి రోజు వ‌ర్క‌వుట్ చేస్తాను. ఆహారం విష‌యంలో ప‌ద్ద‌తులు పాటిస్తాను. కార్బోహైడ్రేట్స్, ప్రొటీన్స్, ఫ్యాట్స్.. ఇవి ఎంత తీసుకోవాలో అంతే తీసుకుంటాను.ఎగ్ వైట్స్, చికెన్, ఫిష్, ఆకుకూరలు బాగా తింటాను అంటూ త‌న హ్యాండ‌స‌మ్ లుక్స్ వెన‌కున్న సీక్రెట్స్ ఏమిటో చెప్పారు సూప‌ర్ స్టార్ మ‌హేష్.