సూపర్‌స్టార్‌ మహేశ్‌ కుమార్తె సితార ఓ హాలీవుడ్‌ మూవీకి డబ్బింగ్‌ చెప్పనుంది. ఈ విషయాన్ని చిత్ర యూనిట్‌ అధికారికంగా ప్రకటించింది. ఇప్పటి వరకు మహేశ్‌ కుమారుడు గౌతమ్‌ వెండితెరపై కనిపించి అలరించిన సంగతి తెలిసిందే. అయితే ఇప్పుడు సితార వెండితెరపై తన గొంతుతో ప్రేక్షకులను అలరించనుంది.

వివరాల్లోకెళ్తే..హాలీవుడ సంస్థ వాల్‌ డిస్నీ యానిమేషన్‌ స్టూడియోస్‌ నిర్మించిన చిత్రం ‘ఫ్రోజెన్‌ 2’ నిర్మాణానంతర కార్యక్రమాలను జరుపుకుంటుంది. ఈ సినిమాను హాలీవుడ్‌తో పాటు దక్షిణాది భాషల్లోనూ అనువాదం చేయిస్తున్నారు. అందులో భాగంగా తెలుగులో ఎల్సా పాత్రకు హీరోయిన్‌ నిత్యామీనన్‌ తెలుగులో డబ్బింగ్‌ చెప్పనుంది. అయితే మరి చిన్నప్పటి ఎల్సా పాత్రకు సితార డబ్బింగ్‌ను చెప్పబోతున్నారు. ‘డిస్నీ కుటుంబానికి నీకు స్వాగతం ఎల్సా’ అంటూ వాల్‌ డిస్నీ స్టూడియోస్‌ మెసేజ్‌ను పోస్ట్‌ చేసింది.

ఫ్రోజెన్‌ మూవీ నవంబర్‌ 22న ప్రపంచ వ్యాప్తంగా విడుదల కానుంది. క్రిస్‌ బస్‌, జెన్నీఫర్‌ లీ ఈ చిత్రానికి దర్శకత్వం వహించారు. హిందీ ఎలా పాత్రకు ప్రియాంక చోప్రా, రాజకుమారి అన్నా పాత్రకు పరిణీతి చోప్రా డబ్బింగ్‌ చెప్పారు. ఇప్పుడు తెలుగులో సితారతో డబ్బింగ్‌ చెప్పిస్తుండటం అనేది సినిమాకు ఓ ప్లస్‌ పాయింట్‌ అనే చెప్పాలి. సినిమా పరిధిని తెలుగులో పెంచుకునే భాగంగా డిస్నీసంస్థ తెలివిగా వ్యవహరించింది.