ఏడాది చిన్నారికి ప్రాణదాతగా మారిన మహేష్
- IndiaGlitz, [Tuesday,June 23 2020]
సూపర్ స్టార్ మహేష్ బాబు ఏడాది పసివాడికి ప్రాణదాతగా మారాడు. చిన్నారి తల్లిదండ్రులు మహేష్‌కు, ఆంధ్రా హాస్పిటల్ యాజమాన్యానికి థాంక్స్ చెప్పారు. ఏడాది కూడా నిండని పసివాడు హృదయ సంబంధిత రోగంతో బాధపడుతున్నాడు. దీంతో ఆ చిన్నారికి గుండెకు ఆపరేషన్ అవసరమని వైద్యులు నిర్ధారించారు. విషయం తెలుసుకున్న మహేష్ ఆ చిన్నారికి ఆంధ్రా హాస్పిటల్ సహకారంతో ఆపరేషన్ చేయించాడు.
రెండు వారాల తరువాత ప్రస్తుతం ఆ పసివాడు కోలుకుని డిశ్చార్జ్ అవడానికి సిద్ధంగా ఉన్నాడు. తమ కుమారుడికి ప్రాణదాతగా మారిన మహేష్‌కు, ఆంధ్రా హాస్పిటల్ యాజమాన్యానికి చిన్నారి పేరెంట్స్ ధన్యవాదాలు తెలిపారు. గతంలో కూడా ఎందరో చిన్నారులకు మహేష్ ఆంధ్రా హాస్పిటల్స్ సహకారంతో గుండెకు సంబంధించిన ఆపరేషన్లు చేయించి ప్రాణదాతగా మారారు.