సూప‌ర్‌స్టార్ మ‌హేష్ హీరోగానే మ‌న‌కు తెలుసు. అయితే ఆయ‌న త‌న `శ్రీమంతుడు` సినిమాకు ఎంబి ఎంట‌ర్‌టైన్‌మెంట్స్ బ్యాన‌ర్‌ను పెట్టి నిర్మాత‌గా మారిన సంగ‌తి తెలిసిందే. అయితే మ‌ధ్య‌లో ఆయ‌న నిర్మాణంలో సినిమాలు రాలేదు. కానీ ఇప్పుడు నిర్మాణ సంస్థను మ‌ళ్లీ రీస్టార్ట్ చేస్తున్నాడ‌ట‌. ఓ వెబ్ సిరీస్‌ను నిర్మించ‌బోతున్నాడు మ‌హేష్‌.

సుకుమార్ `నాన్న‌కు ప్రేమ‌తో` సినిమా క‌థ విష‌యంలో కీల‌క పాత్ర పోషించిన హుస్సేన్ షా కిర‌ణ్ త‌ర్వాత డైరెక్ట‌ర్‌గా మారి `మీకు మీరే మాకు మేమే` అనే సినిమా చేశాడు. ఇప్పుడు ఈ యంగ్ డైరెక్ట‌ర్ ద‌ర్శ‌క‌త్వంలో రూపొంద‌బోయే వెబ్ సిరీస్‌ను నిర్మించ‌నున్నాడు మ‌హేష్‌. ఈ వెబ్ సిరీస్ తొలి సీజ‌న్‌ ఎనిమిది భాగాలుగా రూపొంద‌నుంది. `చార్లి` పేరుతో రూపొంద‌బోయే ఈ వెబ్ సిరీస్‌కు సంబంధించిన స్క్రిప్ట్ వ‌ర్క్ జ‌రుగుతుంది.