தெலுங்கு சூப்பர் ஸ்டார் மகேஷ்பாபு முதன்முதலாக தனது ஸ்ரீமந்துடு படத்தை தெலுங்கில் ரிலீஸாகும் அதே தினத்தில் தமிழிலும் ரிலீஸ் செய்கிறார். இந்த படத்தின் புரமோஷன் மற்றும் பாடல் வெளியீட்டிற்காக சமீபத்தில் சென்னை வந்த மகேஷ்பாபு, தமிழ் ரசிகர்கள் தன்னுடைய படத்தை ஏற்றுக்கொள்வார்கள் என்று நம்பிக்கை தெரிவித்தார் என்பதை ஏற்கனவே பார்த்தோம்.

இந்நிலையில் சமீபத்தில் நடந்த 'செல்வந்தன்' பிரஸ் மீட்டில் பேசிய மகேஷ்பாபு, "அடுத்தடுத்து தனது தெலுங்கு படங்களை இனிமேல் தமிழிலும் ரிலீஸ் செய்ய உள்ளதாகவும், விரைவில் நேரடி தமிழ் படத்திலும் நடிக்க விருப்பமாக இருப்பதாகவும் அவர் கூறினார். இந்த நேரத்தில் செய்தியாளர்கள், 'நீங்கள் நடிக்கும் தமிழ்ப்படம் இரண்டு ஹீரோ சப்ஜெக்ட்டாக இருந்தால், உங்களுடன் நடிக்க விஜய், அஜீத், சூர்யா ஆகிய நடிகர்களில் நீங்கள் யாரை தேர்வு செய்வீர்கள் என்று கேட்ட கேள்விக்கு பதிலளித்த மகேஷ்பாபு, 'கண்டிப்பாக விஜய்யைத்தான் நான் தேர்வு செய்வேன். ஏனெனில் அவரை நான் ஏற்கனவே ஒரிரு முறை நேரில் சந்தித்து பேசியபோது, அவருடன் இணைந்து பணிபுரிவதில் எவ்வித சிரமமும் இருக்காது என்பதை உணர்ந்தேன்" என்றார்

மேலும் 'பாகுபலி' இயக்குனர் எஸ்.எஸ்.ராஜமவுலியின் அடுத்த படத்தில் தான் நடிக்கவுள்ளதாகவும், ஆனால் இந்த படத்தை பற்றி இப்பொழுது பேசுவது உகந்ததாக இருக்காது என்றும் அவர் தெரிவித்தார்.