మహేష్ - వంశీ పైడ‌ప‌ల్లి మూవీ డీటైల్స్..!
- IndiaGlitz, [Saturday,October 29 2016]
సూప‌ర్ స్టార్ మహేష్ హీరోగా శ్రీకాంత్ అడ్డాల దర్శకత్వంలో రూపొందిన చిత్రం బ్రహ్మోత్సవం. ఈ చిత్రాన్ని భారీ చిత్రాల నిర్మాణ సంస్థ పి.వి.పి సినిమా నిర్మించింది. అంచ‌నాల‌ను ఏమాత్రం ఆక‌ట్టుకోలేక బ్రహ్మోత్సవం ఫ్లాప్ అయ్యింది. దీంతో మహేష్ ఈ చిత్ర నిర్మాణ సంస్థ‌కు మ‌రో సినిమా చేస్తాన‌ని మాట ఇచ్చారు. అయితే...మహేష్ బ్రహ్మోత్సవం త‌ర్వాత మురుగుదాస్ దర్శకత్వంలో ఓ మూవీ చేస్తున్నారు.
ఆత‌ర్వాత కొర‌టాల శివ దర్శకత్వంలో మ‌రో సినిమా చేసేందుకు గ్రీన్ సిగ్న‌ల్ ఇచ్చారు. ఈ చిత్రాన్ని డి.వి.వి దాన‌య్య నిర్మించ‌నున్నారు. పి.వి.పి సంస్థ‌తో చేయ‌నున్న మూవీ గురించి మాత్రం ఇప్ప‌టి వ‌ర‌కు ఎనౌన్స్ మెంట్ రాలేదు. ఈ విష‌యం గురించి నిర్మాత పి.వి.పి ని అడిగితే...మహేష్ తో చేయ‌నున్న సినిమాకి వంశీ పైడిప‌ల్లి ద‌ర్శ‌క‌త్వం వ‌హించ‌నున్నారు. ప్ర‌స్తుతం ప్రీ ప్రొడ‌క్ష‌న్ వ‌ర్క్ జ‌రుగుతుంది. జూన్ లో ఈ భారీ చిత్రాన్ని ప్రారంభించేందుకు ప్లాన్ చేస్తున్నాం. తెలుగు, త‌మిళ్ లో ఈ చిత్రాన్ని నిర్మించ‌నున్నాం అని తెలియ‌చేసారు.