క‌రోనాపై పోరుకు మ‌హేశ్ కొత్త ఆలోచ‌న..!!
- IndiaGlitz, [Friday,April 10 2020]
కోవిడ్ 19 ప్ర‌భావంతో ప్ర‌పంచం ఎక్క‌డిక‌క్క‌డే ఆగిపోయింది. అన్నీ రంగాలు స్తబ్దుగా అయిపోవడం అభివృద్ధి ఆగిపోయింది. ఉన్న‌త, మ‌ధ్య త‌ర‌గ‌తి వారికి బ‌య‌ట‌కు రాక‌పోవ‌డం వ‌ల్ల పెద్ద‌గా ఇబ్బందులు లేదు. అయితే రోజువారీ కూలీలు మాత్రం తెగ ఇబ్బంది ప‌డుతున్నారు. రోజువారీ ప‌నులు లేక‌పోవ‌డంతో వారు, వారి కుటుంబం స‌మ‌స్య‌ల‌ను ఎదుర్కొంటున్నాయి. దీంతో పలువురు సెల‌బ్రిటీలు త‌మ‌కు తోచినంత‌గా కార్మికుల‌కు, పేద‌ల‌కు సాయం చేస్తున్నారు.
సినిమా రంగంలో ద‌ర్శ‌కులు, నిర్మాత‌లు, స్టార్స్ అంద‌రూ త‌మ వంతు సాయాన్ని అందిస్తున్నారు. సూప‌ర్‌స్టార్ మ‌హేశ్ విష‌యానికి వ‌స్తే కరోనా నివార‌ణా చ‌ర్య‌ల కోసం ఇప్ప‌టికే రెండు తెలుగు రాష్ట్రాల‌కు కోటి రూపాయ‌లు విరాళం అందించారు. అంతే కాకుండా సినీ కార్మికుల కోసం పాతిక ల‌క్ష‌లు విరాళ‌మిచ్చారు. ఇప్పుడు పేద వారిని ఆదుకోవ‌డానికి మ‌హేశ్ మ‌రో కొత్త ఆలోచ‌న చేస్తున్నాడ‌ట. తెనాలి స‌మీప గ్రామాల్లో కొన్నింటిని ద‌త్త‌త తీసుకుని వాటిలో కూలీ లేకుండా ఇబ్బందులు ప‌డుతున్న‌వారికి డ‌బ్బుల‌ను, నిత్యావ‌స‌రాల వ‌స్తువుల‌ను అంద చేయాల‌నుకుంటున్నార‌ట. ఆ దిశ‌గా గ‌ల్లా జ‌య‌దేవ్‌తో క‌లిసి ప్ర‌భుత్వ పెద్ద‌ల‌తో చ‌ర్చ‌లు జ‌రుపుతున్నార‌ని స‌మాచారం. ఒక‌వేళ ఇది నిజ‌మైతే నిజంగా మ‌హేశ్ స‌హృద‌యానికి సెల్యూట్ చేయాల్సిందే.