சுந்தர் சியின் மெகா பட்ஜெட் படத்திற்கு மாஸ் ஹீரோ தயார்.
Saturday, August 27, 2016 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
கோலிவுட் திரையுலகின் முன்னணி தயாரிப்பு நிறுவனங்களில் ஒன்றான ஸ்ரீதேனாண்டாள் பிலிம்ஸ் தயாரிக்கும் 100வது படம் ஷங்கரின் எந்திரன், எஸ்.எஸ்.ராஜமெளலியின் பாகுபலி படங்களுக்கு இணையாக ரூ.350 கோடி பட்ஜெட்டில் தயாரிக்கப்படவுள்ளது என்பதை ஏற்கனவே பார்த்தோம்.
இந்த படத்தின் ஆரம்ப கட்ட பணிகள் கடந்த ஜூன் மாதமே தொடங்கி விறுவிறுப்புடன் நடந்து வருகிறது. சுந்தர் சி இயக்கவுள்ள இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைக்கவுள்ளார். 'சங்கமித்ரா' என்ற டைட்டில் வைத்திருப்பதாக கூறப்படும் இந்த படத்திற்கு கலை இயக்குனராக சாபுசிரில், கிராபிக்ஸ் இயக்குனராக கமலக்கண்ணன், ஒளிப்பதிவாளராக சுதீப் சட்டர்ஜி ஆகியோர் பணிபுரியவுள்ளனர்.
இந்நிலையில் இந்தியாவின் மிகப்பெரிய பட்ஜெட் படங்களில் ஒன்றான இந்த படத்தில் மிகப்பெரிய ஸ்டார் வேல்யூ உள்ள ஹீரோவை இதுவரை படக்குழுவினர் தேடி வந்தனர். முதலில் சூர்யா, பின்னர் விஜய் ஆகியோர் இந்த படத்தில் நடிப்பதாக கூறப்பட்டு பின்னர் சம்பந்தப்பட்டவர்களால் மறுக்கப்பட்டது.
இந்நிலையில் இரண்டு சம அளவு ஹீரோ கேரக்டர்கள் அடங்கியுள்ள இந்த படத்தின் ஒரு கேரக்டரில் நடிக்க தெலுங்கு சூப்பர் ஸ்டார் மகேஷ்பாபு ஒப்பந்தம் செய்யப்பட்டிருப்பதாகவும் இன்னொரு ஹீரோ கேரக்டரின் தேர்வு நடைபெற்று வருவதாகவும், கோலிவுட் அல்லது டோலிவுட்டில் இருந்து ஒருவர் விரைவில் தேர்வு செய்யப்படுவார் என்றும் நம்பத்தகுந்த வட்டாரங்களில் இருந்து செய்தி வெளியாகியுள்ளது. மேலும் இதுகுறித்த அதிகாரபூர்வ அறிவிப்பு இன்னும் ஓரிரு நாட்களில் படக்குழுவினர்களிடம் இருந்து வெளிவரும் என தெரிகிறது.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
-820.jpg "T.S.பாலையாவால் கதாநாயகனான எம்.ஜி.ஆர்... விவரிக்கும் ஜெய் பாலையா கணேஷ்")
Comments