సూప‌ర్‌స్టార్ మ‌హేష్ హీరోగా రూపొందుతున్న చిత్రం `స్పైడ‌ర్‌`.ఎ.ఆర్‌.మురుగ‌దాస్ ద‌ర్శ‌క‌త్వంలో తెర‌కెక్కుతోన్న ఈ చిత్రం తెలుగు, త‌మిళంలో విడుద‌ల‌కు సిద్ధ‌మ‌వుతుంది. మ‌హేష్ స్పై క్యారెక్ట‌ర్‌లో క‌న‌పడుతున్న ఈ చిత్రం ప్ర‌స్తుతం హైద‌రాబాద్‌లో చిత్రీక‌ర‌ణ‌ను జ‌రుపుకుంటుంది. ఈ సినిమా త‌మిళంలో విడుద‌ల‌వుతున్న కార‌ణంగా మ‌హేష్ త‌మిళంలో డ‌బ్బింగ్ చెబుతున్నాడ‌ట‌.

చెన్నైలోనే మ‌హేష్ పుట్టి పెర‌గ‌డమే కాదు, చ‌దువంతా కూడా అక్క‌డే కొన‌సాగ‌డంతో త‌మిళం చ‌క్క‌గా మాట్లాడ‌గ‌ల‌డు. అదీ కాక ఎప్ప‌టి నుండో త‌మిళ ఇండ‌స్ట్రీలో కూడా త‌న సినిమాల‌కు మార్కెట్ పెంచుకోవాల‌ని ప్లాన్ చేస్తున్నాడు. ఇప్పుడు మురుగ‌దాస్ వంటి ద‌ర్శ‌కుడు తోడ‌వ‌డంతో మ‌హేష్‌కు మంచి అవ‌కాశం దొరికిన‌ట్ట‌య్యింది. స్పైడ‌ర్‌తో మ‌హేష్ త‌మిళ తంబీల‌ను ఆక‌ట్టుకునే ప్ర‌య‌త్నంలో ముమ్మ‌రంగా ఉన్నాడు. ఈ సినిమా సెప్టెంబ‌ర్ 27న విడుద‌ల కానుంద‌ని స‌మాచారం.