సూప‌ర్‌స్టార్ మ‌హేశ్‌... ఏ మాత్రం ఖాళీ దొరికినా త‌న ఫ్యామిలీతో క‌లిసి విహార‌యాత్ర‌ల‌కు వెళుతుంటాడు. ఆ ఫొటోల‌ను సోష‌ల్ మీడియాలో పోస్ట్ చేస్తుంటారు. ఇలా సినిమాల‌కు.. కుటుంబానికి మ‌హేశ్ స‌మాన ప్రాధాన్య‌త‌నిస్తుంటాడు. ఆ క్ర‌మంలో రీసెంట్‌గా కుటుంబంతో క‌లిసి ద‌స‌రా సెల‌వుల‌కు స్విజ‌ర్లాండ్‌కు వెళ్లాడు. స్విజ‌ర్లాండ్‌లో కుటుంబం ఉన్న ఫొటోల‌ను, వీడియోల‌ను మ‌హేష్ సోష‌ల్‌మీడియాలో పోస్ట్ చేశారు. అయితే ఇప్పుడు వెకేష‌న్ ముగిసింది. స్విజ‌ర్లాండ్ నుండి ఇండియాకు తిరుగు ప్ర‌యాణ‌మైయారు. కొడుకు గౌత‌మ్‌తో తాను ఉన్న ఫొటోను మ‌హేష్ పోస్ట్ చేసి బ్యాక్ టు వ‌ర్క్ అండ్ స్కూల్ అని మెసేజ్ చేశారు. అలాగే న‌మ‌త్ర‌తో ఉన్న ఫొటోను కూడా పోస్ట్ చేశారు.

ప్ర‌స్తుతం మ‌హేశ్ త‌న 26వ చిత్రం `స‌రిలేరు నీకెవ్వ‌రు` చిత్రీక‌ర‌ణ‌లో బిజీగా ఉన్నారు. సంక్రాంతికి విడుద‌ల కాబోతున్న ఈ సినిమా ఇప్ప‌టికే 75 శాతం చిత్రీక‌ర‌ణ‌ను పూర్తి చేసుకుంది. న‌వంబ‌ర్ ద్వితీయార్థానికంతా సినిమాను పూర్తి చేసి.. త‌ర్వాత పోస్ట్ ప్రొడ‌క్ష‌న్ కార్య‌క్ర‌మాల‌పై ఫోక‌స్ పెట్ట‌బోతున్నారు.ర‌ష్మిక మంద‌న్నా హీరోయిన్‌గా న‌టిస్తున్న ఈ చిత్రంలో విజ‌య‌శాంతి, ప్ర‌కాశ్‌రాజ్ త‌దిత‌రులు కీల‌క పాత్ర‌ల్లో న‌టిస్తున్నారు.

రీసెంట్‌గా ఈ సినిమా ఓవ‌ర్‌సీస్ హ‌క్కుల‌ను గ్రేట్ ఇండియా సంస్థ ఫ్యాన్సీ రేటుకు ద‌క్కించుకుంది. మ‌హేశ్‌, అనీల్ రావిపూడి క్రేజీ కాంబినేష‌న్ కాబ‌ట్టి సినిమాపై భారీ అంచ‌నాలే నెల‌కొన్నాయి.