మ‌రో 8 నెల‌ల్లో మహేష్, సుకుమార్ చిత్రం?
- IndiaGlitz, [Thursday,June 07 2018]
రంగస్థలంతో బ్లాక్‌బ‌స్ట‌ర్ హిట్‌ను త‌న ఖాతాలో వేసుకున్నారు ద‌ర్శ‌కుడు సుకుమార్. త‌న త‌దుప‌రి చిత్రాన్ని మహేష్ బాబుతో చేసేందుకు స‌న్నాహాలు చేసుకుంటున్నారాయ‌న. మైత్రీ మూవీ మేక‌ర్స్ నిర్మించ‌నున్న ఈ సినిమా గురించి ఇప్ప‌టికే అధికారిక ప్ర‌క‌ట‌న వ‌చ్చిన సంగ‌తి తెలిసిందే. ఈ సినిమా ప‌ట్టాలెక్క‌డానికి కనీసం ఏడెమిదినెలల టైమ్ తీసుకునే అవ‌కాశం క‌నిపిస్తోంది.
ఇప్ప‌టికే ఈ సినిమా స్టోరీ లైన్ సిద్ధ‌మైంది. కాబ‌ట్టి.. సెట్స్ పైకి వెళ్లే లోపు సుకుమార్ పూర్తి స్క్రిప్ట్ రెడీ చేసుకోనున్నారు. ఇప్ప‌టికే డెవ‌ల‌ప్ చేసిన స్క్రిప్ట్‌ను త్వ‌ర‌లోనే మహేష్‌కు నెరేట్ చేయ‌బోతున్నార‌ని స‌మాచారం. ఇదిలా ఉంటే.. మహేష్ ప్ర‌స్తుతం వంశీ పైడిప‌ల్లి ద‌ర్శ‌క‌త్వంలో ఓ సినిమా చేస్తున్న సంగ‌తి తెలిసిందే. ఈ వారంలోనే రెగ్యుల‌ర్ షూటింగ్ జరుపుకోనున్న ఈ సినిమాని అశ్వ‌నీద‌త్‌, దిల్ రాజు సంయుక్తంగా నిర్మించ‌నున్నారు.