సూప‌ర్‌స్టార్ మ‌హేష్‌, ఎ.ఆర్‌.మురుగ‌దాస్ కాంబినేష‌న్‌లో రూపొందిన స్పై థ్రిల్ల‌ర్ `స్పైడ‌ర్‌`. సినిమా శ‌ర‌వేగంగా చిత్రీక‌ర‌ణ‌ను జ‌రుపుకుంటోంది. ఈ సినిమా ఎప్పుడో రిలీజ్ కావాల్సింది కానీ సాంకేతిక కార‌ణాలు వ‌ల్ల సినిమా విడుద‌ల వాయిదా ప‌డుతూ వ‌చ్చింది. తాజా స‌మాచారం ప్ర‌కారం ఈ సినిమాను ద‌స‌రా సంద‌ర్భంగా సెప్టెంబ‌ర్ 27న విడుద‌ల చేయాల‌ని అనుకుంటున్నారు. అయితే ఈ సినిమాకు గ‌ట్టిపోటీనే ఉంది. సెప్టెంబ‌ర్ 21న యంగ్ టైగ‌ర్ ఎన్టీఆర్ `జై ల‌వ‌కుశ‌` విడుద‌ల‌వుతుంది. అలాగే సెప్టెంబ‌ర్ 29న నంద‌మూరి బాల‌కృష్ణ `పైసా వ‌సూల్‌` విడుద‌ల‌వుతుంది. ఈ వారం వ్య‌వ‌ధిలోనే మూడు బిగ్ స్టార్స్ సినిమా పోటీ ప‌డుతుండ‌టం అభిమానుల్లో ఆస‌క్తినిరేకెత్తిస్తుంది.

మ‌హేష్‌కు జంట‌గా ర‌కుల్ ప్రీత్ సింగ్ హీరోయిన్‌గా న‌టిస్తుంది. ఎస్‌.జె.సూర్య‌, భ‌ర‌త్ విల‌న్స్‌గా న‌టిస్తున్నారు. అల్రెడి విడుద‌లైన టీజ‌ర్‌కు మంచి స్పంద‌న వ‌స్తుంది. మ‌హేష్ కెరీర్‌లో ఇది భారీ బ‌డ్జెట్ చిత్రంగా రూపొందుతుంది.