మహేష్..రైటో రాంగ్గో తేలేది అప్పుడే..
- IndiaGlitz, [Wednesday,April 13 2016]
సూపర్ స్టార్ మహేష్...రైటో రాంగ్గో తేలేది అప్పుడే...అన‌గానే ఎప్పుడు అంటారా..? సూర్య - విక్ర‌మ్ కుమార్ కాంబినేషన్లో రూపొందిన 24 మూవీ రిలీజ్ రోజు. ఇదేంటి మహేష్ రైటో..రాంగ్గో తేల‌డానికి సూర్య 24 మూవీ రిలీజ్ కి లింక్ ఏమిటి అనుకుంటున్నారా..? అస‌లు విష‌యం ఏమిటంటే...మ‌నం ఫేం విక్ర‌మ్ కుమార్ 24 స్టోరీని ముందుగా మహేష్ బాబు కే చెప్పారు. క‌థ విని మహేష్ ఫ‌స్టాఫ్ బాగుంది. సెకండాఫ్ అంత‌గా న‌చ్చ‌లేద‌ని చెప్పాడ‌ట.
అప్పుడు విక్ర‌మ్ కుమార్ సూర్య‌ని సంప్ర‌దించాడు. సూర్య కి విక్ర‌మ్ కుమార్ నాలుగున్న‌ర గంట‌ల పాటు క‌థ చెప్పాడ‌ట. క‌థ విన్న త‌ర్వాత సూర్య ఏమీ మాట్లాడ‌కుండా లేచి నిల‌బ‌డి చ‌ప్ప‌ట్ల‌తో త‌న అభిప్రాయాన్ని చెప్పాడ‌ట. ఈ విష‌యాన్ని సూర్య స్వ‌యంగా 24 ఆడియో వేడుక‌లో చెప్పారు. సూర్య ని అంత‌గా ఆక‌ట్ట‌కున్న 24 స్టోరీ మహేష్ కి న‌చ్చ‌క‌పోవ‌డానికి కార‌ణం ఏమిటి..? ఇంత‌కీ మహేష్ తీసుకున్న నిర్ణ‌యం రైటో..రాంగ్గో తెలియాలంటే 24 మూవీ రిలీజ్ వ‌ర‌కు ఆగాల్సిందే. అదీ సంగ‌తి.