పోటీని అంగీకరించని మహేష్ బాబు
- IndiaGlitz, [Wednesday,October 30 2019]
సూప‌ర్‌స్టార్ మ‌హేశ్ రానున్న సంక్రాంతికి 'సరిలేరు నీకెవ్వ‌రు' అంటూ ప్రేక్ష‌కుల ముందుకు రాబోతున్న‌ట్లు ప్ర‌క‌టించాడు. అయితే అదే రోజు స్టైలిష్ స్టార్ అల్లు అర్జున్ త‌న చిత్రం 'అల...వైకుంఠపురములో..' సినిమాతో రాబోతున్న‌ట్లు ప్ర‌క‌టించాడు. ఇద్ద‌రు స్టార్ హీరోలు, అగ్ర ద‌ర్శ‌కులు, నిర్మాత‌లు చేసిన సినిమా కావ‌డంతో రెండు సినిమాల‌పై అభిమానులు ఆస‌క్తిని క‌న‌ప‌రిచారు.
అయితే రెండు భారీ సినిమాలు ఒకే రోజున బాక్సాఫీస్ వ‌ద్ద పోటీ ప‌డ‌టాన్ని మ‌హేశ్ అంగీక‌రించ‌లేద‌ట. అందుకోస‌మ‌ని నిర్మాత ఎస్‌.రాధాకృష్ణ ద‌గ్గ‌ర‌కు ఓ ప్ర‌పోజ‌ల్ తీసుకెళ్లాడ‌ట. దాని ప్ర‌కారం రెండు సినిమాలు రెండు రోజుల గ్యాప్‌తో రావాల‌ని కోరాడ‌ట. బ‌న్నీ నిర్మాత‌లు కూడా అందుకు సంసిద్ధ‌త‌ను వ్య‌క్తం చేశార‌ని టాక్‌. ఆ లెక్క‌లో చూస్తే ఓ సినిమా జ‌న‌వ‌రి 11న విడుద‌లైతే మ‌రో సినిమా జ‌న‌వ‌రి 13న విడుద‌ల‌వుతుంది. రెండు రోజుల గ్యాప్‌లో వ‌సూళ్ల ప‌రంగానూ కాస్తో కూస్తో రాబ‌ట్టుకోవ‌చ్చు. మ‌రి ఈ రెండు సినిమాల్లో ఎవ‌రు ముందు వ‌స్తారు? ఎవ‌రు త‌ర్వాత వ‌స్తారు? అనే దానిపై క్లారిటీ లేదు.
మ‌హేశ్ 'సరిలేరు నీకెవ్వ‌రు' చిత్రాన్ని అనీల్‌రావిపూడి తెర‌కెక్కిస్తున్నాడు. ర‌ష్మిక మంద‌న్న హీరోయిన్‌గా న‌టిస్తుంది. విజ‌య‌శాంతి కీల‌క పాత్ర‌లో న‌టిస్తుంది. ఇక 'అల...వైకుంఠపురములో..' చిత్రం బ‌న్నీ, త్రివిక్ర‌మ్ కాంబినేష‌న్‌లో రూపొందుతుంది. రెండు క‌మ‌ర్షియ‌ల్ పార్మేట్‌లో రూపొందుతున్న చిత్రాలు.