సూప‌ర్ స్టార్ మ‌హేష్, డారింగ్ & డాషింగ్ డైరెక్ట‌ర్ పూరి జ‌గ‌న్నాథ్ వీరిద్ద‌రి కాంబినేష‌న్లో రూపొందిన పోకిరి, బిజినెస్ మేన్ ఎలాంటి సంచ‌ల‌న విజ‌యాలు సాధించాయో తెలిసిందే. వీరిద్ద‌రి కాంబినేష‌న్లో హ్యాట్రిక్ మూవీ కోసం గ‌త కొన్ని రోజులుగా క‌ధాచ‌ర్చ‌లు జ‌రుగుతూనే ఉన్నాయి. కానీ ఏది ఫైన‌ల్ కాలేదు. గ‌తంలో పూరి..మ‌హేష్ తో రోగ్ అనే మూవీ తీయాల‌నుకున్నారు. క‌థ రెడీ చేసారు కానీ ఎందుక‌నో కుద‌ర‌లేదు. ఇప్పుడు అదే క‌థ, టైటిల్ తో నిర్మాత సి.ఆర్ మ‌నోహార్ అన్న కుమారుడు ఇషాంత్ తో మూవీ చేస్తున్న విష‌యం తెలిసిందే.

ఇక అస‌లు విష‌యానికి వ‌స్తే.. మహేష్ కోసం పూరి ఓ క‌థ రెడీ చేసాడ‌ట‌. ఈ మూవీకి ఎనిమీ అనే టైటిల్ ఫిక్స్ చేసాడ‌ట‌. మ‌హేష్ క‌థ విని పూరికి గ్రీన్ సిగ్న‌ల్ ఇచ్చిన‌ట్టు ప్ర‌చారం జ‌రుగుతుంది. ఇదే క‌నుక నిజ‌మైతే...పూరి, మ‌హేష్ ని ఎనిమీగా ఎలా చూపిస్తాడో..? ఎలాంటి సెన్సేష‌న్ క్రియేట్ చేస్తాడో..? చూడాలి.