సూప‌ర్ స్టార్ మ‌హేష్ ప్ర‌స్తుతం బ్ర‌హ్మోత్స‌వం సినిమాలో న‌టిస్తున్నారు. ఈ చిత్రాన్ని శ్రీకాంత్ అడ్డాల తెర‌కెక్కిస్తున్నారు. రామోజీ ఫిలింసిటీలో ఈ మూవీ షూటింగ్ జ‌రుపుకుంటుది. స‌మ్మ‌ర్ లో ఈ చిత్రాన్ని రిలీజ్ చేయ‌డానికి ప్లాన్ చేస్తున్నారు. ఈ మూవీ త‌ర్వాత మ‌హేష్ మురుగుదాస్ ద‌ర్శ‌క‌త్వంలో న‌టించేందుకు గ్రీన్ సిగ్న‌ల్ ఇచ్చాడు. ఏప్రిల్ లో ఈ చిత్రాన్ని ప్రారంభించ‌నున్నారు.

ఈ సినిమా త‌ర్వాత మ‌హేష్ తో మూవీ చేయ‌డానికి శేఖ‌ర్ క‌మ్ముల ప్ర‌య‌త్నిస్తున్నారు. ఇటీవ‌ల మ‌హేష్ కి శేఖ‌ర్ క‌మ్ముల క‌థ చెప్పాడ‌ట‌. క‌థ విని మహేష్ పూర్తి స్ర్కిప్ట్ రెడీ చేయ‌మ‌న్నాడ‌ట‌. మ‌హేష్, శేఖ‌ర్ క‌మ్ముల కాంబినేష‌న్లో మూవీని మ‌రో డైరెక్ట‌ర్ జయంత్ సి ప‌రాన్జీ నిర్మించ‌డానికి ప్లాన్ చేస్తున్నార‌ట‌. ఇటీవ‌ల మ‌హేష్ ని క‌ల‌సిన జయంత్ కి మ‌నం ఖ‌చ్చితంగా సినిమా చేద్దాం అంటూ మ‌హేష్ మాట ఇచ్చాడ‌ట‌. ఇక శేఖ‌ర్ క‌మ్ముల క‌థను పూర్తిగా రెడీ చేయ‌డమే మిగిలింది. అన్నీ అనుకున్న‌ట్టు జ‌రిగితే మురుగుదాస్ మూవీ షూటింగ్ లో ఉండ‌గానే ఈ మూవీని ప్రారంభించే అవ‌కాశం ఉన్న‌ట్టు స‌మాచారం.