మునుప‌టిలా వ‌రుస విజ‌యాల‌ను త‌న సొంతం చేసుకోలేక‌పోతున్న‌ప్ప‌టికీ.. భారీ బ‌డ్జెట్ మూవీ ఆఫ‌ర్ల‌ను పొందుతూ ఆశ్చ‌ర్య‌ప‌రుస్తోంది స‌మంత‌. ప్ర‌స్తుతం ఈ ముద్దుగుమ్మ చేతిలో ఉన్న పెద్ద హీరోల సినిమాలంటే.. మ‌హేష్‌బాబుతో న‌టిస్తున్న 'బ్ర‌హ్మోత్స‌వం', ఎన్టీఆర్‌తో న‌టిస్తున్న 'జ‌న‌తాగ్యారేజ్‌'.

'బ్ర‌హ్మోత్స‌వం' మే నెల‌లో రిలీజ్ కానుండ‌గా.. 'జ‌న‌తా గ్యారేజ్' ఆగ‌స్టు నెల‌లో విడుద‌ల కానుంది. ఈ రెండు సినిమాల ఫ‌లితాలు స‌మంత‌కి కీల‌క‌మే. మ‌హేష్ తో రెండు వ‌రుస విజ‌యాల త‌రువాత చేస్తున్న సినిమా 'బ్ర‌హ్మోత్స‌వం' హిట్ అయితే స‌మంత‌కి కాంబినేష‌న్ ప‌రంగా హ్యాట్రిక్ సొంత‌మ‌వుతుంది.

అదే ఎన్టీఆర్ విష‌యాన్ని తీసుకుంటే.. 'బృందావ‌నం' వంటి హిట్ త‌రువాత అత‌నితో చేసిన 'రామ‌య్యా వ‌స్తావ‌య్యా', 'ర‌భ‌స' డిజాస్ట‌ర్స్‌గా నిలిచాయి. ఈ నేప‌థ్యంలో 'జ‌న‌తా గ్యారేజ్' హిట్ అయితే స‌రి.. లేదంటే ఆ హీరో కాంబినేష‌న్‌లో స‌మంత‌కి ఫ్లాప్‌ల హ్యాట్రిక్‌ని మూట‌గ‌ట్టుకోక‌త‌ప్ప‌దు. మొత్తానికి మ‌హేష్‌తో ఒక‌లా, తార‌క్ తో మ‌రోలా స‌మంత‌కి హ్యాట్రిక్‌లు ఎదురు చూస్తున్నాయ‌న్న‌మాట‌.