మహేష్, ఎన్టీఆర్.. 16 ఏళ్ళ త‌రువాత
- IndiaGlitz, [Wednesday,February 28 2018]
సంక్రాంతి పండగ అంటే కోడి పందేలు ఎంత సహజమో.. టాప్‌ హీరోల సినిమాలు పోటీలో ఉండడం కూడా అంతే సహజం. ఇదిలా ఉంటే.. సంక్రాంతి సందర్భంగా ఒకే ఒకసారి పోటీ పడ్డారు ఇద్దరు స్టార్ హీరోలు. మళ్ళీ వచ్చే ఏడాది సంక్రాంతికి పోటీప‌డేందుకు సిద్ధ‌మ‌వుతున్నారు. ఆ స్టార్ హీరోలే మహేష్ బాబు, ఎన్టీఆర్.
కాస్త వివరాల్లోకి వెళితే.. 2003 సంక్రాంతి సందర్భంగా 'ఒక్కడు'తో ప్రిన్స్ మహేష్ బాబు, 'నాగ'తో యంగ్ టైగర్ ఎన్టీఆర్ మొదటిసారి పోటీకి దిగారు. ఆ సంవత్సరం 'ఒక్కడు'తో కెరీర్లోనే బిగ్గెస్ట్ హిట్‌ను మహేష్ అందుకోగా.. 'నాగ'తో ఏవరేజ్ హిట్ అందుకున్నారు ఎన్టీఆర్. క‌ట్ చేస్తే.. మళ్ళీ వీరిరువురు 2019 సంక్రాంతి బరిలోకి వారి సినిమాలను పోటీకి దింపుతున్నట్టు తెలుస్తోంది. మహేష్‌కు 'అతడు'లాంటి మంచి చిత్రాన్ని అందించిన త్రివిక్రమ్.. ప్రస్తుతం తార‌క్‌తో ఓ సినిమా చేస్తున్నారు.
మార్చి నుంచి చిత్రీకరణ జరుపుకోబోయే ఈ చిత్రం 2019 సంక్రాంతికి విడుదల కానుంద‌ని స‌మాచారం. మరోవైపు ఎన్టీఆర్‌తో 'బృందావనం' చేసి హిట్ కొట్టిన వంశీ పైడిపల్లి.. మహేష్‌తో ఓ సినిమా చేయబోతున్నారు. ఈ మూవీ కూడా 2019 సంక్రాంతి బరిలోకి దిగనుంది. అంటే.. మళ్ళీ 16 సంవత్సరాల తర్వాత మహేష్, ఎన్టీఆర్ సినిమాలు పోటీకి దిగనున్నాయన్న మాట. అది కూడా.. ఈ ఇద్దరి హీరోలకి మంచి విజయాలను అందించిన దర్శకులతో. మొత్తానికి వచ్చే ఏడాది సంక్రాంతి పోరు మంచి రసవత్తరంగా ఉండ‌బోతుంద‌న్న‌మాట.