సూప‌ర్‌స్టార్ మ‌హేశ్ 27వ సినిమాకు సంబంధించిన కార్య‌క్ర‌మాలు శ‌ర‌వేగంగా జ‌రుగుతున్నాయి. వంశీ పైడిప‌ల్లి ద‌ర్శ‌క‌త్వంలో ప్రారంభం కావాల్సిన ఈ సినిమా, మ‌హేశ్‌కి క‌థ న‌చ్చ‌క‌పోవ‌డంతో ఆగిపోయింది. వంశీ పైడిప‌ల్లి స్థానంలో ప‌రుశురామ్ చేరాడు. క‌రోనా ఎఫెక్ట్ కార‌ణంగా సినిమాల షూటింగ్స్ ఆగిపోయాయి. కాబ‌ట్టి ప‌రుశురామ్‌కు కావాల్సినంత టైమ్ దొరికింది. స్క్రిప్ట్‌ను మరింతగా మెరుగులు దిద్దే ప‌నిలో ప‌డ్డాడీ ద‌ర్శ‌కుడు. సూప‌ర్‌స్టార్ కృష్ణ పుట్టిన‌రోజు సంద‌ర్భంగా మే 31న సినిమా షూటింగ్‌ను స్టార్ట్ చేసి జూలైలో రెగ్యుల‌ర్ షూటింగ్‌ను స్టార్ట్ చేయాల‌నుకుంటున్నార‌ట‌.

తాజా స‌మాచారం మేర‌కు మ‌హేశ్ 27వ సినిమా మేచ్యూర్డ్ ల‌వ్ స్టోరి అని వార్త‌లు విన‌ప‌డుతున్నాయి. శ్రీమంతుడులో మ‌హేశ్ మెచ్యూర్డ్ ల‌వ‌ర్‌బోయ్‌గా క‌న‌ప‌డ్డాడు. త‌ర్వాత ఆయ‌న చేసిన భ‌ర‌త్ అనే నేను, మ‌హ‌ర్షి, స‌రిలేరు నీకెవ్వ‌రు చిత్రాల్లో ప్రేమ అనే అంశం ట‌చ్ చేశారంతే! కానీ ప‌రుశురామ్ మాత్రం త‌న‌దైన స్టైల్లో మ‌హేశ్‌ను డిఫ‌రెంట్ ల‌వ‌ర్‌బోయ్‌గా చూపించ‌బోతున్నాడ‌ట‌. మ‌రో ఆస‌క్తిక‌ర‌మైన విష‌య‌మేమంటే మ‌హేశ్ న‌టించిన గ‌త మూడు చిత్రాల‌కు సంగీతం అందించిన దేవిశ్రీని ప‌క్క‌న పెట్టి ప‌రుశురామ్ త‌న‌కు న‌చ్చిన గోపీ సుంద‌ర్‌ను మ్యూజిక్ డైరెక్ట‌ర్‌గా ఎంచుకున్నాడ‌ని స‌మాచారం.