మ‌హేష్ నెక్ట్స్ మూవీ ఫిక్స్..
- IndiaGlitz, [Saturday,July 02 2016]
సూప‌ర్ స్టార్ మ‌హేష్ హీరోగా క్రేజీ డైరెక్ట‌ర్ మురుగుదాస్ ద‌ర్శ‌క‌త్వంలో ఓ చిత్రం రూపొందుతున్న విష‌యం తెలిసిందే. తెలుగు, త‌మిళ్ లో రూపొందుతున్న ఈ భారీ చిత్రాన్ని ఈనెల 29న ప్రారంభించ‌నున్నారు. ఈ చిత్రంలో మ‌హేష్ స‌ర‌స‌న బాలీవుడ్ బ్యూటీ ప‌రిణీతి చోప్రా న‌టిస్తుంది. ఇదిలా ఉంటే....పూరి జ‌గ‌న్నాథ్ తో ఓ మూవీ చేయ‌డానికి మ‌హేష్ ఎప్పుడో గ్రీన్ సిగ్న‌ల్ ఇచ్చారు. అలాగే త్రివిక్ర‌మ్ శ్రీనివాస్ తో కూడా మ‌హేష్ ఓ సినిమా చేయాల‌నుకున్నారు.
అలాగే బ్ర‌హ్మోత్స‌వం ప్లాప్ అవ్వ‌డంతో పి.వి.పి సంస్థ‌కు ఓ సినిమా చేస్తాన‌ని మ‌హేష్ మాట ఇచ్చారు. కొత్త‌గా శ్రీమంతుడు తో బ్లాక్ బ‌ష్ట‌ర్ ఇచ్చిన కొర‌టాల శివ‌తో కూడా సినిమా చేయాలి అనుకుంటున్నాడ‌ట. దీంతో మురుగుదాస్ మూవీ త‌ర్వాత మ‌హేష్ ఎవ‌రితో సినిమా చేస్తాడ‌నేది ఆస‌క్తిగా మారింది. అయితే...తాజా స‌మాచారం ప్ర‌కారం...మ‌హేష్ మురుగుదాస్ మూవీ త‌ర్వాత వంశీ పైడిప‌ల్లితో సినిమా చేయ‌డానికి గ్రీన్ సిగ్న‌ల్ ఇచ్చాడ‌ట. ఈ చిత్రాన్ని పి.వి.పి సంస్థ నిర్మించ‌నుంది. త్వ‌ర‌లోనే ఈ సినిమాకి సంబంధించి అఫిషియ‌ల్ ఎనౌన్స్ మెంట్ రానుంద‌ని తెలిసింది.