కొత్త కాంబినేషన్ లో మహేష్ చిత్రానికి రంగం సిద్ధం...
- IndiaGlitz, [Wednesday,August 19 2015]
శ్రీమంతుడు' చిత్రం సూపర్ సక్సెస్ కావడమే కాకుండా వందకోట్ల క్లబ్ లో చేరిన హీరోగా మహేష్ బాబును నిలబెట్టింది. ఈ చిత్రం సక్సెస్ తో మహేష్ నెక్స్ ట్ మూవీస్ పై భారీ అంచనాలు నెలకొన్నాయి. మహేష్ తదుపరి బ్రహ్మోత్సవం' చిత్రంలో నటించడానికి రెడీ అవుతున్నాడు.
బ్రహ్మోత్సవం' తర్వాత పూరి జగన్నాథ్ తో సినిమా అని, త్రివిక్రమ్ సినిమా అని, రాజమౌళి సినిమా అంటూ రకరకాల వార్తలు వినపడుతున్నాయి. ఈ లిస్టులో వినాయక్ కూడా ఉన్నాడు. ఇటీవల శ్రీమంతుడు' ఆడియో వేడుకలో కూడా వినాయక్ మహేష్ తో సినిమా చేయాలనుందని కథను సిద్ధం చేస్తున్నానని కుదిరితే సినిమా ట్రాక్ ఎక్కుతుందని చెప్పుకొచ్చిన సంగతి తెలిసిందే. అయితే తాజాగా వి.వి.వినాయక్ దర్శకత్వంలో మహేష్ హీరోగా ఓ సినిమా రూపకల్పనకు రంగం సిద్ధమవుతోందని టాక్.
ఈ చిత్రాన్ని డి.వి.వి.దానయ్య నిర్మిస్తాడని, దానయ్య మాత్రం మహేష్ తో సినిమా చేయడానికి గట్టిగానే ప్రయత్నాలు చేస్తున్నాడట. మహేష్ డేట్స్ ఇస్తాడని ఎదురుచూస్తున్నాడట. ఈ సినిమా కథ కోసం కోనవెంకట్, గోపిమోహన్ లు అల్రెడి ప్రయత్నాలు మొదలెట్టేశారని సమాచారం. మరి ఇందులోనిజానిజాలు తెలియాలంటే వెయిట్ చేయాల్సిందే...