సినిమాల్లోకి మ‌హేష్ మేన‌ల్లుడు
- IndiaGlitz, [Monday,November 27 2017]
సూప‌ర్‌స్టార్ మ‌హేష్ బాబు మేన‌ల్లుడు..తెలుగు దేశం పార్టీ పార్ల‌మెంట్ స‌భ్యుడు గ‌ల్లా జ‌య‌దేవ్ త‌న‌యుడు గ‌ల్లా అశోక్ సినీ రంగ ప్ర‌వేశం చేయ‌నున్నారు.
కృష్ణ త‌న‌య , మ‌హేష్ సోద‌రి ప‌ద్మావ‌తి, జ‌య‌దేవ్‌ల కొడుకే ఈ అశోక్. త‌ను ప్ర‌స్తుతం న‌ట‌న‌లో శిక్ష‌ణ తీసుకుంటున్నాడ‌ట. ఈ సినిమాను ప్ర‌ముఖ నిర్మాత దిల్‌రాజు నిర్మిస్తాడని వార్త‌లువిన‌ప‌డుతున్నాయి. అయితే డైరెక్ట‌ర్ ఎవ‌ర‌నేది మాత్రం తెలియ‌డం లేదు.
అయితే విశ్వ‌స‌నీయ వ‌ర్గాల స‌మాచారం ప్ర‌కారం ఈ సినిమాను కొత్త ద‌ర్శ‌కుడు తెర‌కెక్కించే అవ‌కాశాలే క‌న‌ప‌డుతున్నాయి. మ‌రి మ‌హేష్ మేన‌ల్లుడు యాక్షన్ సినిమా ద్వారా ప‌రిచ‌యం అవుతాడో లేక ల‌వ్ సినిమా ద్వారా ప‌రిచ‌యం అవుతాడో చూడాలి.