రాజ్‌త‌రుణ్‌ దగ్గరకి మహేష్ మేనల్లుడి కథ...
- IndiaGlitz, [Wednesday,January 30 2019]
ప్రతి మెతుకు మీదా తినేవాడి పేరు రాసిపెట్టి ఉంటుందని తెలుగులో సామెత. అలాగే, ప్రతి కథ మీదా ఎవరు నటించాలో రాసి భగవంతుడు రాసి పెడతాడు అనుకోవాలి. ఎందుకంటే... పూజ చేసి సినిమాకు కొబ్బరికాయ కొట్టిన తరవాత కూడా హీరోలు మారుతుంటారు. దిల్ రాజు నిర్మించాలనుకున్న ఓ సినిమాలో ఈ విధంగానే మారాడు. దీనివల్ల రాజ్ తరుణ్ కి లాభమే. ఎందుకంటే... ఆ సినిమా అతడి దగ్గరకు వచ్చింది.
మహేష్ బాబు మేనల్లుడు, రాజకీయ నాయకుడు గల్లా జయదేవ్ కుమారుడు అశోక్ హీరోగా దిల్ రాజు ఓ సినిమా ప్రారంభించిన సంగతి తెలిసిందే. నభా నటేష్ హీరోయిన్ గా, ఆర్కే దర్శకత్వంలో ఈ సినిమా కొన్ని రోజుల క్రితం ప్రారంభమైంది. ఏమైందో ఏమో... ఇప్పుడీ సినిమాలో హీరో మారాడు. అశోక్ బదులు రాజ్ తరుణ్ హీరోగా సినిమా చేస్తున్నారు. మార్చిలో చిత్రీకరణ మొదలు పెడతారట! రాజ్ తరుణ్ హీరోగా దిల్ రాజు నిర్మించిన 'లవర్' ప్లాప్ అయ్యింది. అయినా అతడిపై మరోసారి నమ్మకం ఉంచాడు దిల్ రాజు. 'లవర్' తరవాత రాజ్ తరుణ్ కూడా మరో సినిమా అంగీకరించలేదు. దీనివల్ల అతడికి లాభమే జరిగింది. వెంటనే ఈ సినిమా చేయడానికి అవకాశం వచ్చింది.