సూప‌ర్‌స్టార్ మ‌హేష్ హీరోగా కొర‌టాల శివ ద‌ర్శ‌క‌త్వంలో రూపొందుతోన్న చిత్రం 'భ‌ర‌త్ అను నేను'(రిజిష్ట‌ర్డ్ టైటిల్‌). డివివి.దానయ్య నిర్మిస్తున్న ఈ సినిమాను వచ్చే ఏడాది ఏప్రిల్ 27న విడుద‌ల చేస్తున్నారు. సినిమా దాదాపు వ‌చ్చే ఏడాది జ‌న‌వ‌రి, ఫిబ్ర‌వ‌రికంతా పూర్తి చేయాల‌నేది చిత్ర యూనిట్ ప్లాన్‌.

అందులో భాగంగా న‌వంబ‌ర్ 30 నుండి డిసెంబ‌ర్ 7వ‌ర‌కు హైద‌రాబాద్‌లో ఓ షెడ్యూల్‌, డిసెంబ‌ర్ 10 నుండి డిసెంబ‌ర్ 25 వ‌ర‌కు కారైకూడి షెడ్యూల్‌ను ప్లాన్ చేస్తున్నార‌ట‌. దీంతో పాటు జ‌న‌వ‌రిలో మూడు పాట‌లు, ఓ ఫైట్ చిత్రీక‌ర‌ణ చేసి షూటింగ్ పార్ట్‌ను కంప్లీట్ చేసేస్తార‌ట‌. త‌ర్వాత పోస్ట్ ప్రొడ‌క్ష‌న్ ప‌నులు చేస్తార‌ట‌.

ఈ సినిమాలో మ‌హేష్ ముఖ్య‌మంత్రి పాత్ర‌లో క‌న‌ప‌డ‌బోతున్నాడు. 'శ్రీమంతుడు' సినిమా తర్వాత మ‌హేష్‌, కొర‌టాల కాంబినేష‌న్‌లో రానున్న సినిమా కాబ‌ట్టి సినిమాపై భారీ అంచ‌నాలే నెలకొన్నాయి.