సూప‌ర్‌స్టార్ మ‌హేష్‌, ఎ.ఆర్‌.మురుగదాస్ కాంబినేష‌న్‌లో రూపొందుతోన్న స్పై థ్రిల్ల‌ర్ `స్పైడ‌ర్‌` చిత్రీక‌ర‌ణ‌ను జ‌రుపుకుంటుంది. నిజానికి ఈ సినిమాను జూన్ 23న విడుద‌ల చేయ‌బోతున్న‌ట్లు నిర్మాత‌లు ప్ర‌క‌టించారు. కానీ ఇప్పుడు స్పైడ‌ర్ అనుకున్న తేదికి రావ‌డం లేద‌ట‌. రెండు నెల‌లు వాయిదా ప‌డి ఆగ‌స్టులో విడుద‌ల అవుతుంద‌ని వార్త‌లు విన‌ప‌డుతున్నాయి.

ఇండిపెండెన్స్ డే సంద‌ర్భంగా ఆగ‌స్టు 11న సినిమా విడుద‌ల‌య్యే అవ‌కాశాలున్నాయ‌ని వార్త‌లు వ‌చ్చాయి. అయితే ఇప్పుడు స్పైడ‌ర్ ఇండిపెండెన్స్ రోజున కూడా విడుద‌ల‌య్యే అవ‌కాశాలు కూడా లేవ‌ని ఆగ‌స్టు 25న విడుద‌ల‌య్యే ఛాన్స్‌లున్నాయ‌ని అంటున్నారు. కానీ విడుద‌ల తేదీపై నిర్మాత‌లు ఎటువంటి ప్ర‌క‌టన చేయ‌క‌పోవ‌డం గ‌మ‌నార్హం.