'స‌ర్కార్‌' కు మ‌హేశ్ అభినంద‌న
- IndiaGlitz, [Thursday,November 08 2018]
త‌మిళ హీరో విజ‌య్‌, ఎ.ఆర్.ముర‌గ‌దాస్ కాంబినేష‌న్‌లో రూపొందిన పొలిటిక‌ల్ థ్రిల్ల‌ర్ 'స‌ర్కార్‌'. దీపావ‌ళి సంద‌ర్భంగా నవంబ‌ర్ 6న ప్రేక్ష‌కుల ముందుకు వ‌చ్చింది. సినిమాకు మిక్స్ రివ్యూస్ వ‌చ్చినా క‌లెక్ష‌న్స్ ప‌రంగా సినిమా మంచి ఆద‌ర‌ణ‌నే అందుకుంటుంది. తాజాగా ఈ సినిమా చూసిన మ‌హేశ్ ట్విట్ట‌ర్ ద్వారా యూనిట్‌కు త‌న అభినంద‌న‌లు తెలిపారు.
'ఎంగేజింగ్ పొలిటిక‌ల్ డ్రామా.. బాగా ఎంజాయ్ చేశాను' అని మ‌హేశ్ మెసేజ్ పెట్టారు. దానికి ముర‌గ‌దాస్ కృతజ్ఞ‌త‌లు తెలిపారు. తొలిరోజున 36.8 కోట్ల రూపాయ‌ల షేర్ వ‌సూళ్లను సాధించి ఆల్ టైమ్ ఫ‌స్ట్ డే రికార్డ్ క‌ల‌క్ష‌న్స్‌ను రాబ‌ట్టుకున్న ఈ చిత్రానికి తెలుగు రాష్ట్రాల్లో తొలిరోజున 2.3 కోట్ల రూపాయ‌ల షేర్ రావ‌డం విశేషం.