అనీల్ డైరెక్షన్‌కు మహేశ్ ఫిదా.. మరో సినిమాకు రెడీ!
- IndiaGlitz, [Monday,September 09 2019]
సూపర్‌స్టార్ మహేశ్ బాబు, రష్మిక మందన్నా నటీనటులుగా అనీల్ రావిపూడి తెరెక్కిస్తున్న చిత్రం ‘సరిలేరు నీకెవ్వరు’. ఈ చిత్రం షూటింగ్ సగంకు పైగా అయిపోయింది. ఇప్పటికే జమ్ముకశ్మీర్‌, హైదరాబాద్‌లో కీలక సన్నివేశాలను చిత్రీకరించడం జరిగింది. సినిమా వార్ నేపథ్యంతో ఉన్నట్లు తెలుస్తోంది. అయితే.. ఇప్పటి వరకూ సినిమా చాలా బాగా వచ్చిందని.. అనీల్ డైరక్షన్.. ఆయన ఆలోచన, టాలెంట్, టేకింగ్.. మహేశ్‌కు చాలా బాగా నచ్చిందట. అందుకే సరిలేరు నీకెవ్వరు తర్వాత కూడా మరోసినిమా అనీల్‌తో చేయాలని మహేశ్ ఫిక్స్ అయినట్లు వార్తలు వస్తున్నాయి.
అయితే ఈ కాంబోలో సినిమా రిలీజ్ కాకమునుపే ఇలాంటి పుకార్లు వస్తుండటంతో ఇందులో ఏ మాత్రం నిజానిజాలున్నాయో తెలియాల్సి ఉంది. సరిలేరు నీకెవ్వరు రిలీజ్ అయితే ఎలా ఉంటుందో దాన్ని బట్టి.. అసలు ఈ కాంబోలో మరో సినిమా కావాలా వద్దా..? సినిమా తీస్తే ఎలా ఉంటుంది..? అనేది ఫ్యాన్సే నిర్ణయిస్తారని చెప్పుకోవడంలో ఎలాంటి అనుమానాలు అక్కర్లేదు.
ఇదిలా ఉంటే.. ప్రస్తుతం సరిలేరు నీకెవ్వరు కొండారెడ్డి బురుజులో షూటింగ్ జరుగుతోంది. ఈ నెల 13కల్లా అక్కడ షూటింగ్ కంప్లీట్ కానుంది. ఆ వెంటనే మరో షెడ్యూల్ ప్లాన్ చేస్తున్నట్లు తెలుస్తోంది. మొత్తానికి చూస్తే నవంబర్ చివరికల్లా షెడ్యూల్ పూర్తి కానుంది. కాగా.. సరిలేరు నీకెవ్వరూ సినిమా వచ్చే ఏడాది సంక్రాంతికి రిలీజ్ చేయాలని చిత్రబృందం ఫిక్స్ అయిన విషయం తెలిసిందే.