మహేశ్ హాలీవుడ్ చిత్రం
- IndiaGlitz, [Monday,April 29 2019]
సూప‌ర్‌స్టార్ మహేశ్ త్వ‌ర‌లోనే హాలీవుడ్ చిత్రంలో న‌టించ‌బోతున్నాడా! అంటే అవున‌నే అంటున్నాయి సినీ వ‌ర్గాలు. ఎందుకంటే ప్ర‌ముఖ హాలీవుడ్ స్టార్ బిల్ డ్యూక్ మహేష్, వంశీ పైడిప‌ల్లి, ఎ.ఆర్.మురుగ‌దాస్‌ల‌కు ట్విట్ట‌ర్ వేదిక‌గా పిలుపునిచ్చారు. ఈసారి అమెరికా లాంస్ ఏంజిల్స్ వ‌చ్చిన‌ప్పుడు డౌన్‌టౌన్‌కు రావాల‌ని అక్క‌డ లంచ్ చేసుకుంటూ అంత‌ర్జాతీయ స్పై మూవీ గురించి డిస్క‌స్ చేసుకుందామ‌ని అన్నారు.
మ‌హిళ‌ల అక్ష‌రాస్య‌త విష‌యంలో అంత‌ర్జాతీయ కార్య‌క్ర‌మాల ఏర్పాటు చేద్దామ‌ని.. ఐశ్వ‌ర్య ధ‌నుష్‌కు పిలుపునిచ్చారు. ఓ హాలీవుడ్ స్టార్ డైరెక్ట‌ర్ ఓ టాలీవుడ్ స్టార్ హీరోను.. ద‌క్షిణాది ద‌ర్శ‌కుల‌కు ఇలా ట్విట్ట‌ర్ వేదిక‌గా పిలుపు ఇవ్వ‌డం గొప్ప ప‌రిణామం..ఒక‌ప్పుడు ఇండియ‌న్ సినిమా అంటే బాలీవుడ్ సినిమాల‌నే ఉద్దేశం త‌గ్గిపోతుంద‌న‌డానికి ఇదొక ఉదాహ‌ర‌ణగా చెప్పుకోవ‌చ్చు. బాహుబ‌లి 2 , 2.0 వంటి భారీ బ‌డ్జెట్ చిత్రాలే కాదు..కంటెంట్ ఓరియెంటెడ్ చిత్రాల‌కు మంచి ఆద‌ర‌ణ ద‌క్కుతుంది.