క‌రోనా ఎఫెక్ట్ వ‌ల్ల నెల‌కున్న లాక్‌డౌన్ కార‌ణంగా సినీ సెల‌బ్రిటీలంద‌రూ ఇంటి ప‌ట్టునే ఉంటున్నారు. అంద‌రూ కుటుంబ స‌భ్యుల‌తో వారి విలువైన స‌మ‌యాన్ని గడుపుతున్నారు. దాంతో పాటు వారికి న‌చ్చిన ప‌నుల‌ను చేస్తున్నారు. సూప‌ర్‌స్టార్ మ‌హేశ్ విష‌యానికి వ‌స్తే సాధార‌ణ ప‌రిస్థితుల్లోనే కుటుంబానికి ఎక్కువ ప్రాధాన్య‌త ఇస్తుంటారాయ‌న‌. మ‌రిప్పుడు క్వారంటైన్ టైమ్ గురించి ప్ర‌త్యేకంగా చెప్ప‌న‌క్క‌ర్లేదు. త‌న స‌మ‌యాన్నంతా పిల్ల‌ల‌తోనే గ‌డుపుతున్నారు మ‌హేశ్‌. త‌న‌యుడు గౌత‌మ్‌, కుమార్తె సితార‌ల‌తో ఆట‌లాడుకుంటున్నారు. అల్ల‌రి చేస్తున్నారు.

క్వారంటైన్ టైమ్‌లో మ‌హేశ్ పిల్ల‌ల‌తో ఎలా స‌మ‌యాన్ని గ‌డుపుతున్నార‌నే విష‌యాన్ని న‌మ్ర‌తా శిరోద్క‌ర్ ఎప్ప‌టిక‌ప్పుడు తెలియ‌జేస్తూనే ఉన్నారు. స‌ద‌రు ఫొటోల‌ను ఆమె త‌న ఇన్‌స్టాలో పోస్ట్ చేస్తూనే ఉన్నారు. తాజాగా న‌మ్ర‌త మ‌హేశ్‌,సితార‌కు సంబంధించిన పోస్ట్ చేసిన పిక్స్ సోష‌ల్ మీడియాలో వైర్ అవుతున్నాయి. అందులో మ‌హేశ్‌కు సితార హెడ్ మ‌సాజ్ చేసింది. మ‌హేశ్ హెడ్‌కు మ‌సాజ్ చేయ‌డానికి ఓ వాలంటీర్ దొరికిందంటూ సితార క్యాప్ప‌న్ కూడా ఇచ్చింది. సితార కూడా హెడ్ మ‌సాజ్ త‌ర్వాత త‌న తండ్రి త‌ల చింపిరిగా త‌యారైన‌ప్ప‌టికీ చాలా బావుంద‌నిపించింది. నేను హెడ్ మ‌సాజ్ బాగా చేశాన‌ని నాన్న అన్నారు. చాలా సంతోషంగా అనిపించింద‌ని సితార తెలిపారు.