సూప‌ర్‌స్టార్ మ‌హేశ్ ఈ సంక్రాంతి సంద‌ర్భంగా జ‌న‌వ‌రి 11న `స‌రిలేరు నీకెవ్వ‌రు` చిత్రంతో ప్రేక్ష‌కుల ముందుకు రాబోతున్న సంగ‌తి తెలిసిందే. రీసెంట్‌గా ఈ సినిమా టీజ‌ర్ విడుద‌లై మంచి స్పంద‌న‌ను రాబ‌ట్టుకుంది. కర్నూలు బ్యాక్‌డ్రాప్‌లో సినిమా తెర‌కెక్కుతోంది. సినిమా చిత్రీక‌ర‌ణ తుది ద‌శ‌కు చేరుకుంది.  సినిమా విడుద‌ల‌కు దాదాపు నెల‌న్న‌ర వ్య‌వ‌ధి మాత్ర‌మే ఉంది. ఈ నేపథ్యంలో మ‌హేశ్ అభిమానులు హంగామ‌ను షురూ చేశారు. హైద‌రాబాద్‌లో సంధ్య 35 ఎం.ఎం థియేట‌ర్ వ‌ద్ద 81 అడుగుల భారీ క‌టౌట్‌ను పెట్టారు. విడుద‌ల‌కు నెల‌న్న‌ర ముందుగానే ఇంత భారీ క‌టౌట్‌ను పెట్ట‌డం ఇప్పుడు సోష‌ల్ మీడియాలో చ‌ర్చ‌గా మారింది.

మ‌హేశ్ ఆర్మీ ఆఫీస‌ర్‌గా న‌టిస్తున్న ఈ చిత్రంలో ర‌ష్మిక మంద‌న్న హీరోయిన్‌గా న‌టిస్తుంది. లేడీ అమితాబ్ విజ‌య‌శాంతి కీల‌క పాత్ర‌లో న‌టిస్తున్నారు. క‌మ‌ర్షియ‌ల్ సినిమాల ద‌ర్శ‌కుడు అనిల్ రావిపూడి ఈ సినిమాను తెర‌కెక్కించారు. అనిల్ సుంక‌ర‌, దిల్‌రాజు, జిఎంబీ ఎంట‌ర్‌టైన్‌మెంట్స్ సినిమాను నిర్మించాయి. రాక్‌స్టార్ దేవిశ్రీప్ర‌సాద్ సంగీత సార‌థ్యం వ‌హించిన ఈ సినిమాకు సంబంధించిన ఇప్ప‌టి వ‌ర‌కు టైటిల్ ట్రాక్ మాత్ర‌మే విడుద‌ల కానుంది. త్వ‌ర‌లోనే మిగ‌తా పాట‌ల‌ను కూడా ఆన్‌లైన్‌లో ఒక్కొక్క‌టిగా విడుద‌ల చేస్తార‌ని స‌మాచారం.