தெலுங்கு சூப்பர் ஸ்டார் மகேஷ்பாபு நடிப்பில் ஏ.ஆர்.முருகதாஸ் இயக்கிய 'ஸ்பைடர்' படத்தின் இசை வெளியீட்டு விழா இன்னும் சற்று நேரத்தில் சென்னை கலைவாணர் அரங்கத்தில் ஆரம்பமாகவுள்ளது. இந்த விழாவுக்கு மகேஷ்பாபு, ராகுல் ப்ரித்திசிங், ஏ.ஆர்.முருகதாஸ் உள்ளிட்ட படக்குழுவினர் வருகை தரவுள்ளனர்.

இந்த நிலையில் விசாகப்பட்டணம், நெல்லூர் உள்பட ஆந்திரபிரதேசம் மற்றும் தெலுங்கானா மாநிலங்களில் உள்ள மகேஷ்பாபு ரசிகர்கள் இசை வெளியீட்டு விழாவில் கலந்து கொள்வதற்காக சென்னையில் குவிந்துள்ளனர். மகேஷ்பாபுவின் ரசிகர்கள் நீண்ட வரிசையில் அரங்கத்தில் உள்ளே செல்வதற்கு காத்திருக்கின்றனர் என்பது குறிப்பிடத்தக்கது.

மகேஷ்பாபுவின் முதல் நேரடி தமிழ்ப்படமான 'ஸ்பைடர்' படத்தில் அவருக்கு ஜோடியாக ராகுல் ப்ரித்திசிங் நடித்துள்ளார். மேலும் முதல்முறையாக நடிகர் எஸ்.ஜே.சூர்யா இந்த படத்தில் வில்லனாகவும் தோன்றுகிறார். ஹாரீஸ் ஜெயராஜ் இசையமைத்துள்ள இந்த படத்திற்கு சந்தோஷ் சிவன் ஒளிப்பதிவும், ஸ்ரீகர் பிரசாத் படத்தொகுப்பும் செய்துள்ளனர்.