మ‌హేష్ ఫ్యాన్స్ ని టెన్ష‌న్ పెడుతున్న సెంటిమెంట్..!
- IndiaGlitz, [Thursday,December 01 2016]
సూప‌ర్ స్టార్ మ‌హేష్ బాబు - మురుగుదాస్ కాంబినేష‌న్లో రూపొందుతున్న చిత్రం ప్ర‌స్తుతం అహ్మాదాబాద్ లో షూటింగ్ జ‌రుపుకుంటుంది. దాదాపు 100 కోట్ల‌తో తెలుగు, త‌మిళ్ లో ఈ చిత్రం తెర‌కెక్కుతుంది. ఈ చిత్రంలో మ‌హేష్ స‌ర‌స‌న ర‌కుల్ ప్రీత్ సింగ్ న‌టిస్తుంది. ఈ మూవీ టైటిల్ ను జనవరి 1న, టీజ‌ర్ ను రిప‌బ్లిక్ డే సంద‌ర్భంగా జనవరి 26న రిలీజ్ చేయ‌డానికి ప్లాన్ చేస్తున్న‌ట్టు స‌మాచారం.
అయితే..ఈ విష‌యం తెలుసుకుని మ‌హేష్ ఫ్యాన్స్ తెగ టెన్ష‌న్ ప‌డుతున్నార‌ట. ఎందుకంటే...బ్ర‌హ్మాత్స‌వం చిత్రం ఫ‌స్ట్ లుక్ ను నూత‌న సంవ‌త్స‌ర కానుక‌గా జనవరి 1న రిలీజ్ చేసారు. భారీ తారాగ‌ణంతో రూపొందిన బ్ర‌హ్మోత్స‌వం మ‌హేష్ కెరీర్ లో డిజాస్ట‌ర్ గా నిలిచిన విష‌యం తెలిసిందే. ఇప్పుడు మురుగుదాస్ తో చేస్తున్న సినిమా టైటిల్ ను కూడా జనవరి 1న రిలీజ్ చేస్తే...రిజల్ట్ ఎలా ఉంటుందో అని తెగ టెన్ష‌న్ ప‌డుతున్నార‌ట మ‌హేష్ ఫ్యాన్స్. మ‌రి... సెంటిమెంట్ దృష్టిలో పెట్టుకుని మ‌హేష్ టైటిల్ రిలీజ్ డేట్ మారుస్తారో లేదో చూడాలి..!