சமூக வலைத்தளத்தில் விஜய், அஜித் ரசிகர்கள் மோதிக்கொள்வது என்பது கிட்டத்தட்ட அன்றாடம் நடைபெறும் ஒரு நிகழ்வு என்பது அனைவரும் அறிந்ததே. இந்த நிலையில் விஜய், அஜித் ரசிகர்களுக்கு தாங்கள் சளைத்தவர்கள் இல்லை என்பதை தெலுங்கு சூப்பர் ஸ்டார் மகேஷ்பாபுவின் ரசிகர்கள் தற்போது நிரூபித்துள்ளனர். ஆம், அவர்கள் மோதியது சாதாரண நடிகருடன் அல்ல. ஹாலிவுட் சூப்பர் ஸ்டார் டாம் குரூஸ் ரசிகர்களுடன் என்பது குறிப்பிடத்தக்கது

டாப்குரூஸ் நடித்து வரும் மிஷன் இம்பாஸிபிள் 6' திரைப்படத்தின் டிரைலர் சமீபத்தில் வெளியானது. இந்த டிரைலரில் உள்ள டாம்குரூஸ் சாகச காட்சிகள் குறித்து அவரது ரசிகர்கள் புகழ்ந்து டுவீட் செய்து வருகின்றனர். இந்த நிலையில் மகேஷ்பாபு ரசிகர்கள் களத்தில் குதித்து, 'அகடு' படத்தில் மகேஷ்பாபுவின் சாகச காட்சிகளுடன் ஒப்பிடும்போது டாம்குரூஸ் சாகச காட்சிகள் அவ்வளவு பிரமாதம் இல்லை என்று டுவீட் செய்து டாம்குரூஸ் ரசிகர்களை வம்புக்கு இழுத்துள்ளனர். இதனால் டாம்குரூஸ் ரசிகர்களும், மகேஷ்பாபு ரசிகர்களும் டுவிட்டரில் காரசாரமாக மோதி வரும் நிலை ஏற்பட்டுள்ளது.

உலக அளவில் பிரபலமான, சாகச காட்சிகளில் டூப் இன்றி நடிக்கும் டாம்குரூஸூடன் ஒப்பிடும் அளவுக்கு மகேஷ்பாபு தகுதியுடையவர்தானா? என்பதை ரசிகர்களின் கணிப்புக்கே விட்டுவிடுவோம்