ప్ర‌స్తుతం టాలీవుడ్ ఆస‌క్తిగా ఎదురుచూస్తున్న సినిమా `సైరా న‌ర‌సింహారెడ్డి`. మెగాస్టార్ చిరంజీవి 151వ చిత్రం. తొలి స్వాతంత్ర్య యోధుడు ఉయ్యాల‌వాడ న‌ర‌సింహారెడ్డి జీవిత చ‌రిత్ర‌. అక్టోబ‌ర్ 2న తెలుగు స‌హా హిందీ, త‌మిళ‌, క‌న్న‌డ‌, మ‌ల‌యాళ భాష‌ల్లో సినిమా విడుద‌ల‌వుతుంది. ఈ సినిమా కో్సం తానెంతో ఆస‌క్తిగా ఎదురు చూస్తున్నాన‌ని సూప‌ర్‌స్టార్ మ‌హేశ్ అన్నారు. ప్రొడ‌క్ష‌న్ ఎగ్జిక్యూటివ్స్ సిల్వ‌ర్ జూబ్లీ కార్య‌క్ర‌మంలో పాల్గొన్న ఆయ‌న పై వ్యాఖ్య‌లు చేశారు. సినీ మ‌హోత్స‌వ కార్య‌క్ర‌మంలో సినీ ప్ర‌ముఖులంద‌రూ పాల్గొన్న‌ప్ప‌టికీ చిరంజీవి, మ‌హేశ్ స్పెష‌ల్ ఎట్రాక్ష‌న్‌గా నిలిచారు. వీరిద్ద‌రూ ప‌క్క ప‌క్క‌నే కూర్చుని మాట్లాడుకున్నారు. ఆ ఫొటోలు కూడా నెట్టింట్లో హ‌ల్ చేశాయి. కార్య‌క్ర‌మంలో మ‌హేశ్ మాట్లాడుతూ ``చిరంజీవిగారితో మాట్లాడుతుంటే ఎన‌ర్జీ వ‌స్తుంది. ఆయ‌న సైరా సినిమా కోసం ఆస‌క్తిగా ఎద‌రుచూస్తున్నాను. ఎంటైర్ యూనిట్‌కు అల్ ది బెస్ట్`` అన్నారు.

అమితాబ్ బ‌చ్చ‌న్‌, న‌య‌న‌తార‌, విజ‌య్ సేతుప‌తి, కిచ్చా సుదీప్‌, జ‌గ‌ప‌తిబాబు, ర‌వికిష‌న్‌, అనుష్క‌, త‌మ‌న్నా స‌హా భారీ తారాగ‌ణం న‌టించారు. రెండేళ్ల పాటు దాదాపు రూ.300కోట్ల బ‌డ్జెట్‌తో, హై టెక్నిక‌ల్ వేల్యూస్‌తో సైరా చిత్రాన్ని నిర్మించారు. సురేంద‌ర్ రెడ్డి ద‌ర్శ‌క‌త్వంలో కొణిదెల ప్రొడ‌క్ష‌న్స్ బ్యాన‌ర్‌పై రామ్‌చ‌ర‌ణ్ ఈ చిత్రాన్ని నిర్మించారు. చిత్రీక‌ర‌ణ‌ను పూర్తి చేసుకున్న ఈ హిస్టారిక‌ల్ మూవీ ప్రస్తుతం పోస్ట్ ప్రొడ‌క్ష‌న్ కార్య‌క్ర‌మాల‌ను జ‌రుపుకుంటోంది.