బాలయ్యకు విలన్ గా మహేష్ బావ...?
- IndiaGlitz, [Sunday,March 12 2017]
నంద‌మూరి బాల‌కృష్ణ త‌న 101వ చిత్రాన్ని పూరి జ‌గన్నాథ్ దర్శకత్వంలో భవ్య‌క్రియేష‌న్స్ బ్యాన‌ర్‌పై చేస్తున్న సంగ‌తి తెలిసిందే. ఈ సినిమా రీసెంట్‌గా పూజా కార్య‌క్ర‌మాల‌ను పూర్తి చేసుకుంది. మార్చి 16 నుండి సినిమా రెగ్యుల‌ర్ చిత్రీకరణ జ‌రుపుకోనుంది. సినిమాను సెప్టెంబ‌ర్ 29న విడుద‌ల చేసేలా ముందుగానే ద‌ర్శ‌కుడు పూరి ప్లాన్ చేశాడు.
ఈ సినిమాకు సంబంధించిన ప్రీ ప్రొడ‌క్ష‌న్ వర్క్ శ‌ర‌వేగంగా జ‌రుగుతుంది. ఈ సినిమాలో బాల‌య్య‌ను ఢీ కొట్టే విల‌న్‌గా హీరో సుధీర్‌బాబు న‌టించే అవ‌కాశాలున్నాయ‌ని స‌మాచారం. రీసెంట్‌గా బాలీవుడ్‌లో భాగి చిత్రంలో విల‌న్‌గా నటించిన సంగ‌తి తెలిసిందే. మ‌రి టాలీవుడ్ హీరోగా రాణిస్తున్న సుధీర్‌బాబు విల‌న్‌గా న‌టించ‌డానికి ఒప్పుకుంటాడో లేదో ..కానీ కొన్ని రోజుల్లో బాల‌య్య విలన్ ఎవ‌రో క‌న్‌ఫ‌ర్మ్ అవుతుంది.