శ్రీ‌మంతుడు వంటి విజ‌య‌వంత‌మైన చిత్రం త‌రువాత సూప‌ర్ స్టార్ మ‌హేష్ బాబు, స‌క్సెస్‌ఫుల్ డైరెక్ట‌ర్ కొర‌టాల శివ కాంబినేష‌న్‌లో ఓ సినిమా రూపొందుతున్న సంగ‌తి తెలిసిందే. భ‌ర‌త్ అనే నేను అనే పేరు ప్ర‌చారంలో ఉన్న ఈ సినిమా ఫ‌స్ట్ లుక్‌ని ఈ నెల 26న విడుద‌ల చేయ‌నున్న‌ట్లు చిత్ర బృందం ప్ర‌క‌టించింది. కైరా అద్వానీ క‌థానాయిక‌గా న‌టిస్తున్న ఈ చిత్రానికి దేవిశ్రీ ప్ర‌సాద్ సంగీత‌మందిస్తున్నాడు.

ఇదిలా ఉంటే.. ఈ సినిమాని ఏప్రిల్ 27న విడుదల చేయ‌నున్న‌ట్లు కొంత కాలం క్రితం నిర్మాత డి.వి.వి.దాన‌య్య ప్ర్ర‌క‌టించారు. అయితే.. క్వాలిటీ ప‌రంగా మ‌రిన్ని జాగ్ర‌త్త‌లు తీసుకుంటున్న ద‌ర్శ‌క‌నిర్మాత‌లు.. ఈ చిత్రాన్ని జూన్ లేదా జూలైలో విడుద‌ల చేసేందుకు ప్లాన్ చేస్తున్నారంటూ తాజాగా వార్త‌లు పుట్టుకొచ్చాయి.

అయితే చిత్ర బృందం వీటిని ఖండించిన‌ట్లు టాలీవుడ్ వ‌ర్గాలు పేర్కొంటున్నాయి. మొద‌ట ప్లాన్ చేసిన‌ట్లే ఈ సినిమా వేస‌వి కానుక‌గా సంద‌డి చేయ‌నుందని తెలిసింది. కాగా, ఈ చిత్రం కోసం మ‌హేష్ ముఖ్య‌మంత్రి పాత్ర‌లో సంద‌డి చేయ‌నున్నాడు.