అజ‌య్ కృష్ణ ఎవ‌రు? అత‌నికి దూకుడెందుకు? ఆయ‌న చేసే పోకిరి చేష్ట‌లేంటి? అని అనుకుంటున్నారా? `దూకుడు`, `పోకిరి` మ‌హేష్ న‌టించిన సినిమాలు. `దూకుడు`లో ఆయ‌న పేరు అజ‌య్‌. `పోకిరి`లో ఆయ‌న పేరు కృష్ణ మ‌నోహ‌ర్‌. ఇప్పుడు దూకుడులోని అజ‌య్‌, పోకిరిలోని కృష్ణ క‌లిసి అజ‌య్ కృష్ణ‌గా కొత్త పేరు త‌యారైంది. ఆ రెండు సినిమాలు మ‌హేష్ కెరీర్‌లో స‌రిలేన‌న్ని రికార్డుల‌ను తెచ్చిపెట్టాయి. అందుకే ఆ పేర్ల‌ను తీసుకుని `స‌రిలేరు నీకెవ్వ‌రు` అని అనిపించుకోద‌ల‌చుకున్నాడు అనిల్ రావిపూడి. త‌న ద‌ర్శ‌క‌త్వంలో మ‌హేష్ న‌టిస్తున్న స‌రిలేరు నీకెవ్వ‌రులో హీరోకు అజ‌య్ కృష్ణ అని పేరు పెట్టారు.

ఈ చిత్రంలో మ‌హేష్ మిలిట‌రీ ఆఫీస‌ర్‌గా న‌టిస్తున్నారు. కాశ్మీర్‌లో షూటింగ్ జ‌రుగుతోంది. సంక్రాంతికి ఈ సినిమాను విడుద‌ల చేయాల‌ని సంక‌ల్పం. అనీల్ సుంక‌ర‌, దిల్‌రాజు, మ‌హేష్ బాబు ప్రొడ‌క్ష‌న్ హౌస్ క‌లిసి నిర్మిస్తున్నాయి. ఆయ‌న 25వ సినిమాను కూడా ముగ్గురు క‌లిసి నిర్మించారు. తాజా సినిమాను కూడా ముగ్గురు నిర్మిస్తున్నారు. ఈ చిత్రంతో విజ‌య‌శాంతి రీ ఎంట్రీ ఇస్తున్నారు. ఇందులో ఆమె మ‌హేష్ కి అత్త కాదు. కానీ ఇద్ద‌రివీ ప్యార‌ల‌ల్ చిత్రాలు. పొలిటీషియ‌న్‌గా, ఇన్‌డైర‌క్ట్ గా మ‌హేష్‌కు స‌పోర్ట్ చేసే కేర‌క్ట‌ర్‌లో న‌టిస్తున్న‌ట్టు స‌మాచారం.