మహేశ్‌తో విజయ్ సంద‌డి... మ‌హేశ్ ప్ర‌శంస..
- IndiaGlitz, [Friday,August 24 2018]
సూప‌ర్‌స్టార్ మ‌హేశ్ హీరోగా వంశీ పైడిప‌ల్లి ద‌ర్శ‌క‌త్వంలో రూపొందుతున్న చిత్రం 'మ‌హ‌ర్షి'. మహేష్ హీరోగా చేస్తున్న 25వ చిత్ర‌మిది. పూజా హెగ్డే హీరోయిన్‌గా న‌టిస్తున్న ఈ చిత్రంలో అల్ల‌రి న‌రేశ్ కీల‌క‌పాత్ర‌లో న‌టిస్తున్నారు. ప్ర‌స్తుతం సినిమాచిత్రీక‌ర‌ణ‌ను జ‌రుపుకుంటుంది. ఈ సెట్‌లో మ‌హేశ్‌ను విజయ్ దేవ‌ర‌కొండ క‌లిశారు. ఈ విష‌యాన్ని విజయ్ దేవ‌ర‌కొండ ట్విట్ట‌ర్ ద్వారా తెలిపారు.
'మ‌హేశ్ సార్‌.. వంశీ అన్నను సెట్‌లో క‌లుసుకున్నాను. మ‌హేశ్ సినిమా కోసం చొక్కాలు చించుకున్న రోజు నుండి ఆయ‌న‌తో సెట్‌లో మాట్లాడే రోజు వ‌చ్చింది 'అంటూ విజయ్ ట్వీట్ చేయ‌గా.. విజయ్ క‌ల‌వ‌డం చాలా ఆనందంగా ఉందని.. హాలిడేను ఎంజాయ్ చేయ‌మ‌ని విజ‌య్‌కి రిప్లై ఇచ్చారు. ఇలా తెలుగు హీరోలు ఒక‌రినొక‌రు అభినందించుకుంటూ ముందుకు సాగ‌డం మంచి ప‌రిణామ‌మే క‌దా!