రామ్‌చ‌ర‌ణ్ హీరోగా సుకుమార్ ద‌ర్శ‌క‌త్వంలో రూపొందిన చిత్రం 'రంగ‌స్థ‌లం'. మైత్రీ మూవీ మేక‌ర్స్ సంస్థ నిర్మించిన ఈ చిత్రం మార్చి 30న విడుద‌లైంది. ఈ సినిమాలో చిట్టిబాబు పాత్ర‌లో రామ్‌చ‌ర‌ణ్ న‌ట‌న అత్య‌ద్భుతంగా ఉంద‌ని సినిమా చూసిన వారంద‌రూ అప్రిసియేట్ చేస్తున్నారు.

ఇప్పుడు ఈ యూనిట్‌ను అప్రిసియేట్ చేసిన వారిలో సూప‌ర్‌స్టార్ మ‌హేశ్‌, ద‌ర్శ‌క ధీరుడు ఎస్‌.ఎస్‌.రాజ‌మౌళి కూడా చేరారు. 'సుకుమార్ మాస్ట‌ర్ ఆఫ్ ఆర్ట్.. రామ్‌చ‌ర‌ణ్‌, స‌మంత కెరీర్‌లో బెస్ట్ పెర్ఫామెన్స్ చేశారు. మైత్రీ మూవీస్ సంస్థ మ‌రోసారి మంచి చిత్రాన్ని నిర్మించింది' అంటూ మహేశ్ అంటే.. 'చిట్టిబాబు పాత్ర‌ను సుకుమార్ రాసిన తీరు.. చ‌రణ్ న‌ట‌న చూసేందుకు ఓ ట్రీట్‌లా ఉంద‌'ని రాజ‌మౌళి త‌న అభిప్రాయాన్ని ట్విట్ట‌ర్ ద్వారా తెలిపారు.