మొత్తానికి మ‌హేష్‌బాబు కొత్త చిత్రం 'బ్రహ్మోత్స‌వం' మే నెల‌లోనే విడుద‌ల‌య్యే అవ‌కాశం క‌నిపిస్తోంది. నిన్న మొన్న‌టివ‌ర‌కు శ్రీ‌కాంత్ అడ్డాల ప‌నితీరుపై ర‌క‌ర‌కాల వ‌దంతులు వినిపించినా.. చిత్ర యూనిట్ స‌ద‌రు సినిమాని ఎట్టిపరిస్థితుల్లోనూ స‌మ్మ‌ర్‌కే రిలీజ్ చేయాల‌ని డిసైడ్ అయింద‌ని ఇన్‌సైడ్ సోర్స్ చెబుతోంది. అన్ని అనుకున్న‌ట్టుగా జ‌రిగితే మే 13న 'బ్ర‌హ్మోత్స‌వం' ప్రేక్ష‌కుల ముందుకు వ‌చ్చే అవ‌కాశ‌ముంది.

అయితే ఇక్క‌డ చిన్న నెగెటివ్ పాయింట్ ఏమిటంటే.. మ‌హేష్ బాబు కి మే నెల అస్స‌లు అచ్చి రాలేదు. మ‌హేష్ కి సంబంధించి రెండు వ‌రుస చిత్రాలైన 'నిజం' (2003), 'నాని' (2004) చిత్రాలు మే నెల‌లోనే విడుద‌లై ఘోరంగా విఫ‌ల‌మ‌య్యాయి. ఈ నేప‌థ్యంలో 12 ఏళ్ల త‌రువాత మ‌ళ్లీ మే నెల‌లోనే వ‌స్తున్న మ‌హేష్ కి ఈ సారైనా విజ‌యం వ‌రిస్తుందేమో చూడాలి.