మ‌హేశ్ 25వ చిత్రం అప్‌డేట్‌
- IndiaGlitz, [Tuesday,May 01 2018]
తాజాగా భ‌ర‌త్ అనే నేను సినిమా రూపంలో మంచి విజయాన్ని సొంతం చేసుకున్నారు సూపర్ స్టార్ మహేష్ బాబు. ప్ర‌స్తుతం ఈ సినిమా స‌క్సెస్‌ను ఎంజ‌య్ చేస్తున్న మహేష్.. అతి త్వ‌ర‌లో తన 25వ చిత్రాన్ని ప‌ట్టాలెక్కించ‌నున్నారు. బృందావ‌నం, ఎవ‌డు, ఊపిరి చిత్రాల‌తో హ్యాట్రిక్ విజ‌యాల‌ను సొంతం చేసుకున్న దర్శకుడు వంశీ పైడిపల్లి ఈ సినిమా తెర‌కెక్కించ‌నున్నారు.
ప్ర‌ముఖ నిర్మాత‌లు సి.అశ్వ‌నీద‌త్‌, దిల్ రాజు సంయుక్తంగా నిర్మిస్తున్న ఈ సినిమా.. కథానుసారం ఎక్కువ భాగం అమెరికాలో నేపథ్యంలో నడిచేది కావడంతో.. షూటింగ్‌ను అక్క‌డే ప్రారంభించ‌బోతున్నారు. ఇప్పటికే ఒక‌వైపు సినిమాటోగ్రఫర్ కె.యు.మోహన్‌తో కలిసి దర్శకుడు వంశీ పైడిపల్లి లొకేషన్లు వెతికే పనిలో బిజీ బిజీగా ఉన్నారు. మరోవైపు చిత్ర సంగీత దర్శకుడు దేవిశ్రీ ప్రసాద్ కూడా మ్యూజిక్ సిట్టింగ్స్ మొదలుపెట్టారు. మే నెలాఖరులో లేదా జూన్ నెల మొద‌టి వారంలో ఈ సినిమా రెగ్యుల‌ర్ షూటింగ్ ప్రారంభం కానుంద‌ని తెలిసింది. ఈ సినిమాలో ఉత్త‌రాది భామ పూజా హెగ్డే క‌థానాయిక‌గా న‌టించ‌నుంది.